"مفيدة شيحة" تفتح النار على زوجة حسن شاكوش.. "قللتي من قيمتك قدام أهلك وأهله"

احتلت الإعلامية "مفيدة شيحة" تريند محرك البحث الشهير جوجل ومواقع التواصل الاجتماعي، بعد أن شنت هجومًا حادًا على زوجة الفنان حسن شاكوش "ريم طارق"، بعد سجودها في الفرح شكرًا على زواجهما، والأمر الذي تسبب في موجة من الغضب. 

 

اقرأ أيضًا.. رضوى الشربيني تقصف جبهة زوجة "حسن شاكوش" بسحبة مايكل| تحذير مثير للفتيات

 

"مفيدة شيحة" لزوجة حسن شاكوش: قللتي من نفسك أوي 

فتحت مفيدة شيحة أبواب النيران على ريم طارق خلال تقديمها برنامج الستات المذاع على قناة النهار قائلة : "ليه تقللي من نفسك؟ ليه؟". 

 

 أضافت شيحة: "العروسة بتبقى زي الملكة في يوم الفرحة، فلما الملكة دي تسجد عشان تزوجت حسن شاكوش".

 

 تابعت: "صورة زي دي تقلل من قيمتك قدام أهلك وأهل جوزك، ولو حد قال ليكي كلام غير ده يبقى بيجاملك، أي حد بيشوف الصورة بيضحك من ورا ظهرك ويقول دي ما صدقت إنها إتجوزت، إنت في نفس الوقت

امرأة بتمثلي بنات كتير في عيلتك". 

 

"ريم طارق" تبرر سجودها في حفل زفافها:

 تصدر اسم عروسة حسن شاكوش مواقع البحث العالمية، بعد سجودها في حفل زفافها تعبيرًا عن سعادتها بزواجها وشكر لله، إلا أنها واجهت هجومًا عنيفًا من قبل رواد مواقع التواصل الاجتماعي، ومن هنا ظهرت ريم طارق وكشفت سبب قيامها بهذا الفعل قائلة: "دي حاجة بعيدة عن السوشيال ميديا، ومفيش حد يقدر يضحك على ربنا". 

 

 تابعت: "أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لأنه عوضني بحسن، هو أحسن واحد في الدنيا في عيوني".