تامر حسني يدعو جمهوره لمجاهدة النفس.. شاهد
حرص النجم تامر حسني على توجيه رسالة لجمهوره وذلك عبر حسابه الرسمي على موقع التواصل الاجتماعي لتبادل الصور والفيديوهات إنستجرام.
اقرأ أيضا..لطيفة تشوق الجمهور لـ "مربوحة"
وكتب تامر قائلًا: "يوم جميل على الجميع كالعادة مش بعتبركم محبين فقط لا أنا دايما بشوفكم ناس من أهلي حتى لو بعضكم معندوش الإحساس دا تجاهي انا بقى عندي تجاهكم كلكم الإحساس دا و دا إحساس ربنا زرعه فيا معرفش ليه و معرفش ليه مزروع فيا بالقوة دي عشان كدا أقسم بالله أي خير بعرفه بحب انقله ليكم فورًا.
.jpg)
وأضاف كنت بقرأ موضوع مهم أوي بما أني مجنون قراءة و سماع حبيت أكلمكم عنه و هو (مجاهدة النفس) .
واختتم واثق اننا كلنا بنمر بظروف و مؤثرات و افكار بتغير حجات جوانا في ناس بتغيرها للأفضل و في ناس للاسوء و كلامي لكل شخص حاسس من جواه انه متضايق و عنده خطأ في فكره او عقيدته و قناعته أو عادة سيئة و معصية ثابتة مش عارف يتخلص منها أو صفة في شخصيته مش كويسه و فاقد الأمل في تصليحها عشان يصلحها و يتغير لازم أول حاجه يعترف بيها قدام نفسه و ميقاوحش و يبرر وجودها لازم يشوفها يبقى :
١- تعترف بيها قدام نفسه
٢- تاخد قرار حاسم في بدء الإمتناع عنها
٣- تدرس المقابل لها في الصالح و تسعى في اتجاهه
٤- اختار اصحاب صفاتهم بعيده عن هذه العيوب و العادات المشابه
٥- اصبر على نفسك في التغيير يعني لو اخدت قرار و رجعت فيه مش معناه إنك فشلت لا خد القرار تاني حتى لو فشلت في الاصلاح ١٠٠ مره عادي، خد كمل في اصرارك على التغيير و التطوير و خد كمان مره القرار اهم حاجه راقب نفسك و شوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك و كسبت التحدي نهاركم عسل زيكم.
من جانب آخر، أحيا النجم تامر حسني، واحدة من أضخم حفلات الإستقبال لطلاب الجامعة الأوربية EUE والتي أضاءت سماء العاصمة الادارية الجديدة.
واشتعلت أجواء الحفل بمجرد صعود تامر حسني على خشبة المسرح، مرددا أغنية "حبيتها يا ناس" من فيلمه الأخير "بحبك"، بعدها حرص على توجيه التحية للجمهور لحفاوة الاستقبال وخص طلاب الجامعة الأوروبية بالتحية لحفلهم الأسطوري.