إعلامية كبيرة تهاجم عائلة شيرين عبدالوهاب

هاجمت الإعلامية الكبيرة رولا خرسا، عائلة الفنانة شيرين عبدالوهاب، بعدما خرج شقيقها في أحد البرامج الشهيرة ليكشف أسرار خاصة بها.

 

اقرأ أيضًا .. شيرين عبدالوهاب تعبر أزمتها الأخيرة بـ "المترو"

 

وكتبت رولا خرسا، عبر حسابها الرسمي بموقع التواصل الاجتماع "فيسبوك": "اللي بيحصل لشيرين عبدالوهاب ابتلاءً كبير أوي".

 

 

وتابعت "خرسا" أصعب حاجة في الدنيا أما أهلك يطلعوا يفضحوا أسرارك على الهواء حتى لو كان عشان حمايتك، اللي ربك ستره تفضحوه ليه؟".

 

وتابعت الإعلامية الكبيرة، قائلة: "كان ممكن يستنجدوا بأي حد كتيمي من غير ما يطلعوا في التلفزيونات يتكلموا".

 

 

وقالت: "قلبي واجعني على بناتها اللي عايشين في الجو دا ومهما كانوا شايفين أما الناس كلها تعرف حيتعرضوا في المدرسة ومن اللي حواليهم لكلام قاسي وتنمر".

 

 

واستكملت: "شيرين نفسها حتي لو مدمنة فحقها عليهم أنهم ياخدوها في حضنهم

ويساعدوها مش ينشروا أخبارها حتى لو شايفين أن دا لمصلحتها".

 

 

وأضافت رولا خرسا، قائلة: "ربنا معاكي يا شيرين حتى لو الدنيا كلها سابتك، مفيش انسان في الدنيا يستاهل أنه مايلاقيش حد جنبه".

 

 

وتابعت: "تاني بقول، مهما عملت، ادعوا لها يا جماعة إن ربنا يشفيها ويفك كربها دا، شيرين محتاجة لدعم نفسي قوي جدا".

 

 

وأنهت رولا خرسا حديثها، قائلة: "وتالت ورابع بقول: مهما عملت، بلاش كل حد يطلع القاضي والجلاد اللي جواه.. طلعوا بدالهم الإنسانية والرحمة، والله كلنا على الأرض غلابة وعايشين بستر ربنا".