محمد الغيطي يوجه رسالة قاسية إلى عبير صلاح الدين.. فيديو

 وجه الإعلامي محمد الغيطي رسالة قاسية إلى الفنانة عبير صلاح الدين، وذلك بعد هجومها على الفنان محمد صبحي، خلال لقائها فى برنامج كلام الناس، المذاع عبر قناة MBC مصر، مع الإعلامية ياسمين عز، "مشتغلتيش مع غيره ليه".

 

اقرأ أيضًا.. عبير صلاح الدين عن خلافها مع محمد صبحي: جالي اكتئاب والأرزاق على الله (فيديو)

 

قال الإعلامي محمد الغيطى، خلال برنامجه، "تقدر مع الغيطي"، المذاع عبر قناة الشمس: "عبير صلاح الدين من الفنانات اللي طالعين بقوة، بس مش فاهم ليه فجأة تشن حملة على محمد صبحي، طيب هو رفض يشغلك مشتغلتيش مع غيره ليه؟".

 

 

 

 وأضاف: "الموهبة الحقيقية لا تتوقف على منتج أو ممثل أو مخرج، أنتي لو موهوبة بشكل حقيقي كنتي اشتغلتي مع غيره يا عبير، أو مع أي حد تاني، مفيش مبرر لهجومك ده غير البحث عن التريند والشو، أنا اشتغلت معاه لكن مشوفتش منه اللي أنتي بتقوليه ده، هو ممكن يكون صارم، حازم، ديكتاتور، وصاحب الفرقة، والمخرج لازم يبقى ديكتاتور.

وتابع: كلامك لا معنى له، وكلام لا يستحق أن يأخذ كل هذا الاهتمام الإعلامي.

 

 وقالت عبير صلاح الدين، خلال حوارها مع  الإعلامية ياسمين عز، ببرنامج كلام الناس، المذاع عبر فضائية "إم بي سي مصر": "الحقيقة بتزعل، لو قلت الحقيقة هزعل ناس كتير جدًا، وهيزعلوا مني ناس كتير، وهتهاجم جامد واللجان الإلكترونية هتدخل هتروقني ومحدش هيصدقني، وهيقولوا هو اللي عملها بس ربنا شاهد وربنا عارف".

 

 وأضافت: "الجزء السابع من مسلسل ونيس مكنش ينفع إننا نكمله، لأنه كان مط وتطويل وحصل فيه خلافات كتير وتوقف التصوير مدة 6 شهور

صورنا فيه شغل وناس اتخانقوا مع بعض فمشيوا فاضطرينا نعيد التصوير تاني ببلاش من دون أجر".

 

 وتابعت: "كملنا الجزء السادس وإحنا في حالة شد وجذب وناس مشيت وناس قعدت.. أنا كان مشاهدي فيه صامت، ولما خلصنا الجزء السابع بطلوع الروح، وأما قالوا هنعمل التامن أنا رفضت، فمحمد صبحي قالي إزاي تعملي كده، الناس اللي قريبين مني قالوا لي أنتي الحل بتاعك حاجة واحدة، هي أنك تستسحملي الأستاذ محمد صحبي علشان تعرفي تشتغلي، قولت لهم لا مش هعمل كده أنا مغلطش، ومش عايزه أكمل المسلسل ده، من حقي كممثلة أني مش لاقية نفسي في الدور، لأني مش هحرق الشخصية بعد نجاحها".

 

 واختتمت: "دي كانت وجهة الاختلاف، وقالوا لي أنتي كده مش هتشتغلي خالص، وهتقعدي زي ما ناس كتير قعدت، فقولت الرزق على الله أنا ما غلطش في حاجة أنا كنت بقول رأيي"، متابعة: "حاولت لحد ما جالي اكتئاب خمس سنين من 2010 حتى 2015 قاعدة في البيت وكل حاجه بتتقفل في وشي".

 

لمزيد من أخبار الفن.. اضغط هنا