رسالة شديدة اللهجة من إسلام إبراهيم لوالد المطرب النقاش
حرص الفنان إسلام إبراهيم، على توجيه رسالة شديدة اللهجة لوالد المطرب النقاش أحمد سالم، بسبب عدم الاهتمام به وبشقيقه وتشجيعهما على تنمية مواهبهم بعيدًا عن العمل في مهنة النقاشة، وذلك عبر حسابه الرسمي بموقع التواصل الاجتماعي فيسبوك.
اقرأ أيضًا:
محمد رمضان يطرح أغنيته الجديدة "مايركبش بسكلته".. فيديو
وكتب إسلام منشورًا قال فيه:"أنا عارف إن الكلام اللي هقوله ده ممكن ميعجبش ناس كتير بس أنا شايف الترند ده من زاوية تانية خالص، فكرة أنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كارمهم بالوسامة والموهبة والصوت الحلو وعندهم المؤهلات أنهم يكونوا نجوم ومتحاولش تساعدهم أنهم يحققوا حلمهم أو يعملوا الحاجة اللي بيحبوها".
وتابع:"بتفرض عليهم قيود ومسؤوليات مش بتاعتهم زي إن هما يجهزوا أخواتهم البنات اللي أكبر منهم حضرتك البنات دول أنت اللي خلفتهم مش هما والحياة دي حياتك
واختتم إسلام إبراهيم حديثه: خلاصة الكلام إحنا مش بنخلف العيال عشان نستعبدهم إحنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة وأي ابن بيفتح بقه أو يعترض على حاجة مش عجباه بيبقى ابن عاق كمان الولاد أمانة هتتسئل عليها قدام ربنا.