"أسوأ من الأزمة القلبية"| بالتفاصيل مصطفى كامل يحكي كواليس اصابته بأزمة عصبية

كشف الفنان مصطفى كامل، تطورات حالته الصحية، بعد اصابته بأزمة مفاجئة استدعت دخولة المستشفى .

 

اقرأ ايضاً .. تامر عاشور يستعد لإحياء حفلًا غنائيًا بموسم جدة 2022 (تفاصيل)

 

وتحدث مصطفى كامل، خلال مكالمة هاتفية في أحد البرامج الشهيرة، إذ قال:" الحمد لله أنا في البيت، اللي حصل معايا بحكي لنفسي قبل ما أحكي للناس عشان أقول لهم لا داعي لأي توتر في الحياة ".

 

 

وأضاف "كامل":" قل لن يصيبنا إلا ما كتب الله لنا، الحياة مش مستاهلة جري أكتر من اللازم، أنا من الناس اللي معروف عني إني دؤوب ودايماً زوجتي تقولي كتير كده وكل أصحابي بيقولولي دايس على نفسك.

 

 

تفاصيل الحالة الصحية لمصطفى كامل

 

وكشف مصطفى كامل الأسباب التي أدت إلى اصابته بأزمة صحية، حيث قال:" منذ أيام كنت نازل رايح للموزع الموسيقي باسم منير عشان ندخل أغنية عشان الصيف، زوجتي حست أني تعبان قالتلي خلاص ما تنزلش قولتلها لا الراجل مستنيني عشان نشتغل".

 

 

وتابع:" و بالفعل روحت وأنا قاعد

حاسس إن دماغي مش مظبوطة خالص اشتغلت عشان مايدخلش عليا زحمة الشارع الصبح لقيت الساعة ستة وربع ".

 

وأضاف:" وأنا راجع من عند باسم في ميدان العباسية لقيت والله لحظات سكرات موت روحي اتقبضت عنيه مزغلله مش شايف العربيات، كل عربية بقيت عشرين منها وكانت محاولة صعبة أجيب الموبيل من على التابلوه، وكلمت زوجتي قولتلها أنا بتشاهد وبموت ابعتيلي ابني عشان متبهدلش، وبعدها محستش بأي حاجة غير وأنا في المستشفى عملوا رسوم القلب والاشعات والتحاليل إلى أن استدعوا دكتور المخ والأعصاب، قالك إني في مرحلة اسمه أزمة عصبية أسوأ بكتير من الأزمة القلبية، ولكن الحمد لله أنا بخير ".