هنا شيحة: الجونة بيتي الثاني وبحس أني بتحرر فيها من القيود

 قالت الفنانة هنا شيحة، إنها حريصة على المشاركة في دورات مهرجان الجونة كافة منذ دورته الأولى، لكن تعذر حضورها في الدورة الرابعة بسبب تزامن توقيت الفعاليات مع تصوير أحد أعمالها.

 

اقرأ أيضًا.. صور.. نجوم الجونة في عرض فيلم "قمر 14"

 

 وتابعت في لقاء لها خلال برنامج "كلمة أخيرة"، الذي تقدمه الإعلامية لميس الحديدي على قناة "ON": مهرجان الجونة بيتي الثاني من زمان، وأنا بحب الجونة وعلى طول فيها من بداية تدشينها في عام 1996، وكنت صغيرة وطفلة، موضحةً أن الجونة بلد ساحر وهواءها نظيف خالٍ من الرطوبة.

 

هنا شيحة: بتحرر من قيودي في الجونة:

 أضافت "شيحة": بحب لما أجي فيها أفصل وأشد الفيشة، لأني ببقى حرة فيها من غير قيود ومحدش مركز معايا ولا بيبص عليا، وفي الآخر وظيفة الفنان بطبيعتها بتضعه تحت دائرة الضوء بما يترتب عليه مواجهة الاحتكاك مع الشارع دائمًا، حد يقلي ممكن نتصور أو نتكلم وساعات كبني آدمة، رغم كوني فنانة مش ببقى عاوزة، وأنا باكل

ألاقي حد عاوز يتصور في أوقات كتيرة، ولازم يبقى فيه وقت بتاعي أكون فيه وسط ولادي وأصحابي ومش عايزة أركز هلبس إيه والميكاب إيه".

 

 استكملت: بحب الخصوصية في الجونة، وبحس براحة وتحرر من القيود واحدش هيغلس عليا ممكن ألبس شورت الصبح أو مايوه مش بفكر في التفاصيل دي، أنا جاية انبسط بلا قيود". "كلمة أخيرة" يذاع من السبت إلى الثلاثاء في تمام الساعة التاسعة والنصف مساء.

 

موضوعات ذات صلة:

حفل موسيقي وفيلم قمر 14.. فعاليات اليوم الرابع من الجونة السينمائي

فيلم "كباتن الزعتري" بفوز في مهرجان هوت سبرينجز للأفلام الوثائقية

شاهد.. حسن أبو الروس عن فيلم "ريش": فخور بحضور عرضه الأول في مصر