في يومها الثاني| "طالع موضة" لـ حماقي تسجل أكثر من 800 ألف مشاهدة ..(فيديو)
سجلت أحدث أغنيات النجم محمد حماقي، وتحمل اسم "طالع موضة" أكثر من 800 ألف مشاهدة في يومها الثاني، وذلك عبر موقع الفيديوهات الأشهر عالميًا يوتيوب.
اقرأ أيضا .. محمد حماقي يشعل القاهرة الجديدة .. والجمهور يطلب "يا نسيم حبيبي نسم" .. (صور)
أغنية "طالع موضة" من كلمات:تامر حسين، ألحان:تامر علي، توزيع:أحمد إبراهيم.
كلمات أغنية طالع موضة لـ محمد حماقي
وتقول كلماتها:" تيجي سيرتها قلبي يدق، أديني قلت كلمة حق دي حبيبة قلبي ديا .. وماله ما تتدلع عليا
لو أنا منها يعني أتغر، ياما عليا عدّى ومَر
ومشفتش أحلى منها، عيونها الحلوة مميزينها
ده جمالها طالع موضة
براءتها مش موجودة
ماعرفش جايبة الجمال ده منين
ده جمالها طالع موضة
براءتها مش موجودة
وفي الرقة مش هتلاقي اتنين
تيجي سيرتها قلبي يدق أديني قلت كلمة حق
دي حبيبة قلبي ديا .. وماله ما تتدلع عليا
عليها رمش زي السهم وضحكتها أصلاً وهم
دي اللي مافيش فيها غلطة
تجنن .. من الآخر دي فلتة
ياما قصادها أنا اتوترت
وياما في الكلام كتّرت
علشان تفضل شوية
بتمشي وقلبي يلوم عليا
ده جمالها طالع موضة
براءتها مش موجودة
ماعرفش جايبة الجمال ده منين
ده جمالها طالع موضة
براءتها مش موجودة
وفي الرقة مش هتلاقوا اتنين
تيجي سيرتها قلبي يدق أديني قلت كلمة حق
دي حبيبة قلبي ديا وماله ما تتدلع عليا ".
يذكر أن، آخر إصدارات النجم محمد حماقي، أغنية "تك"، وحققت نجاحًا كبيرًا منذ طرحها على "يوتيوب"، وجمعت أكثر من 2 مليون و 600 ألف مشاهدة، من كلمات:أمير طعيمة، ألحان:عمرو مصطفى، توزيع:توما.
للمزيد من أخبار الفن تابع من هـــــــــــــــــــــــنـــــــــــــا