رنا سماحة لجمهورها ومحبيها: في داهية التريند| لدي ما هو أغلى من كنوز العالم .. (تفاصيل)

وجهت الفنانة رنا سماحة، رسالة لجمهورها ومتابعيها ومحبيها، عبر حسابها الرسمي على موقع التواصل الاجتماعي "فيسبوك".  

 

اقرأ ايضاً .. رنا سماحة رداً على إنفصالها عن زوجها: البيوت ليها خصوصيتها | (فيديو)

 

رسالة رنا سماحة لجمهورها ومحبيها: 

 

وكتبت "سماحة": عذراً ايها ال trend، فلدي ما هو اغلى من كنوز العالم .

 

وأضافت، اتعلمت في بيت أهلي أن العلاقه بين الراجل والست أمانه مينفعش تطلع بره البيت، خطيبتك مراتك طليقتك اياً كان 
الامانه دي ولاد الأصول بس اللي بيعرفوا يصونوها وميفشوش اسرارها، ولاد الاصول بس الي مبيكذبوش ولا بيتدعوا على بعض بالباطل. 

وتابعت: ولاد الأصول مبيقذفوش المحصنات ( كبيره من الكبائر)، ولاد الاصول بس الي مبيخونوش الامانه، ولاد الأصول بس مبيفجروش في الخصام، ولاد الأصول مش محتاجين يستعطفوا حد ولا محتاجين يتدعوا المثاليه بيسيبوا اخلاقهم تتكلم عنهم ومبيتكلموش هم عنها.

وقالت رنا سماحة: ولاد الأصول مبيلقحوش على بعض مبيجيبوش سيرة بعض غير بالخير، ولاد الاصول بيعاشروا بالمعروف وبيفارقوا بالاحسان، ومبينسوش الفضل بينهم. 

 

واستطردت: ده اللي ربنا أمرنا بيه ده الي اهالينا ربونا عليه ده اللي الانسانيه بتقوله اي حاجه غير كده تبقى عدم تربيه، قلة دين، انعدام اخلاق، وانعدام الاخلاق ده مينفعش نزينه ونقول اوووووه ترند. 

 

وتابعت: في داهيه الترند اللي ينسينا اخلاقنا وتربيتنا واصولنا، الانسان بيعيش حياته وبيمشي (رحله ) مش هيفضل منها غير سيرتك واعمالك الطيبه وكلمتك اللي بتتصدق بيها.

 

وأضافت: سيبوا الخير وانتوا ماشيين عشان الناس تدعيلكم بدل ما يدعوا عليكم، اجعل من يراك يدعو لمن رباك

. 

 

وتابعت، بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الأكثر بحثاً غير في شغلي فقط في الخير والفرحه وبس.

 

واستكملت، عاهدت نفسي واهلي والناس الي بحبهم اني اكون خير قدوه، عاهدت ابني الي عيني لسه مشافتوش اني اربيه على الاصول والاحترام والرقي، عاهدته اني اربيه يبقى (راجل)ف متستنوش مني ما يفعله الاخرون 
مش عايزه ابقى تريند". 

وكان قد تداول عدد من رواد مواقع التواصل الإجتماعي المختلفة، أنباء تفيد إنفصال المطربة رنا سماحة عن زوجها الملحن سامر أبو طالب بعد مرور أقل من سنة على زواجهما، وذلك بعد إلغاء الأولى متابعة زوجها على موقع "إنستجرام"، مما أثار الشكوك لدى متابعيها. 

وفي سياق أخر، تستعد المطربة رنا سماحة لإحياء حفلاً غنائياً، وذلك يوم الثلاثاء 7 سبتمبر المقبل على خشبة مسرح قاعة النهر بساقية الصاوي بمنطقة الزمالك .

 

للمزيد من أخبار الفن تابع من هـــــــــــــــــــــــنـــــــــــــا