السيسي: مصر كلها لازم تبقى زي العاصمة الإدارية (فيديو)
![الرئيس عبد الفتاح](/themes/alwafd/assets/images/no.jpg)
قال الرئيس عبدالفتاح السيسي إن مصر تحتاج لإنفاق سنوي يصل إلى ترليون دولار، مضيفًا: "المليارات عندي ملهاش لزمة واللي يعرفي عارف كدا".
اقرأ أيضًا.. السيسي: ما يتم من تطوير يراه المواطنون على أرض الواقع (شاهد)
وعن بناء العاصمة الإدارية الجديدة عقب "السيسي" خلال كلمته في ختام المؤتمر الاقتصادي، اليوم الثلاثاء، بيقولوا منين بنيتوا العاصمة الإدارية، وأنا بقولهم نقدر نعمل 10 مدن زي العاصمة الإدارية الجديدة، لا ومش كدا مصر كلها لازم تبقي زي العاصمة الإدراية، دا احنا لا ناكل ولا ننام ولا نرتاح بس تبقى بلدنا كدا".
ووجه الرئيس، حديثه للمسؤولين، قائلًا: "لو أنا مش عارف شغلي مش هأقف الوقفة دي.. لكن أنا أقدر أتكلم معاك في أي قاطع وأي تخصص.. وكل قطاع من قطاعات الدولة أخذ جهدًا كبيرًا من أول ما بدأنا لحد ما أمشي من هنا.
وأكد الرئيس، أنه مستعد لحوار شفاف وصريح مع أي حد في أي تخصص، مضيفًا: "نحتاج لتطوير الفهم تجاه الدولة المصرية".
وتابع أن كرم ربنا على مصر فاق الخيال، وأنا صريح وما بخفش أبدًا إلا من الله، مؤكدًا أننا نحتاج لتوحيد أدبيات التعامل مع الواقع، ونحتاج لتطوير الفهم تجاه دور الدولة.
وشدد الرئيس على أننا نحتاج لإنشاء شبكة مواني بمصر
وأشار إلى أنه وجه له سؤالًا حول أنه دائمًا يذكر فضل الله سبحانه وتعالى عليه وعلى الشعب المصري، في خطاباته وأحاديثه ، قائلًا: "قولتلهم ربنا حبيبي وغالي عليا وأنا اللى شايف عمل إيه معاكم يا شعب مصر".
وتابع: "أنا ضهري ربنا واللي يقدر على ربنا يتفضل.. والله والله والله كرمه على مصر فوق خيالكم".
ونوه الرئيس إلى أنه يعتبر نفسه إنسانًا تدخل لحماية الوطن، وليس رئيسًا للدولة، مضيفا: "أدبيات الرئيس حاجة وأدبيات المواطن حاجه تانية، وأدبيات البطل حاجة مختلفة".
وعقب الرئيس، على توصيات المشاركية في المؤتمر الاقتصادي، قائلًا: "كل المقترحات اللى اتقالت دي اي طالب في كلية السياسية والاقتصاد يكلم فيها وماحدش يزعل من كلامي".
السيسي: ما بخفش أبداً إلا من الله (شاهد)