رئيس حزب الوفد ورئيس مجلس الادارة

د.عبد السند يمامة

رئيس مجلس الإدارة

رئيس التحرير

سامي صبري

السيسي: استطعنا القضاء على موجة الإرهاب بنسبة تقترب من 100% (شاهد)

ميديا

الاثنين, 23 يناير 2023 14:24
السيسي: استطعنا القضاء على موجة الإرهاب بنسبة تقترب من 100% (شاهد)الرئيس عبدالفتاح السيسي
كتب- أحمد فايق

أكد  الرئيس عبدالفتاح السيسي، أن ترقية المقدم البطل طارق عبدالوهاب من رتبة المقدم إلى رتبة العقيد، نوع من أنواع العرفان والتقدير.

 

 قال السيسي خلال ترقية المقدم طارق عبدالوهاب في احتفالية عيد الشرطة الـ71،  إن أبطال الشرطة حموا البلد من "الأشرار  ومش عاوزين ننسى الثمن ولا الحالة اللي قعدنا فيها سنين".

 

اقرأ أيضًا.. رئيس الوزراء يهنئ وزير الداخلية بمناسبة عيد الشرطة

 

 تابع: "مش عايزين ننسى الحالة اللي قعدنا فيها سنين، لو كانوا قدروا علينا كانوا ذبحونا.. وقولت هنا بفضل الله وكرم منه إحنا استطعنا القضاء على الإرهاب بنسبة تقترب من 100%.. بولاد مصر.. من الأسر البسيطة في كل أنحاء مصر".

 

 واصل "أشكر طارق باسمي واسم كل المصريين.. وهنا الترقية وحتى العرفان ده مش كفاية.. العرفان والترقية وكل راجل زي طارق من الجيش والشرطة.. أن البلد تفضل تتقدم للأمام.. ويفضل شعبها مستعد وفاكر تضحية أبنائه".

 

 قال: إن "عملية التذكرة اللى بقولها علشان كتير مننا ما يضيعش الجهد والدم خلال 10 سنين من المواجهة.. والبلد ما وقفتش فيها أبدا.. وقالت إحنا بنقاتل إرهاب.. فضلت تعمل ده بالجيش والشرطة وأجهزة الدولة.. وناس تانية تكافح وتشتغل علشان تغير حياة الناس.. علشان كده ما كانشي هيفوتني.. أني اشكرك وربنا يديك الصحة والعافية ويحميك ويحمي اللى زيك.. شكرًا جزيلًا". 

 

 أوضح: "أنا عايز أقول ياطارق إن الترقية مش هتعوض كتير إنما هي شكل من أشكال العرفان والتقدير والاحترام مننا لللي إنت عملته وعمل زيه من الشرطة والجيش"، مستطردًا عاوز أقول لكل اللي مش موجودين معانا هنا ولظروفهم العمليات اللي كانت في العشر سنين اللي فاتوا مواجهة الإرهاب أفرزت كثير ما بين شهداء ومصابين، وأنا يهمني أقول للناس في مصر أرجو انها متألمكش ياطارق .. يا ناس مين يعوض على طارق ده يا ناس ياللي بتسمعونا وبتتفرجوا علينا دلوقتي في رجال كتير زي طارق كتير منهم اللي قدِّموا روحه واللي قدم حتة من جسمه علشان خاطر مصر، علشان الدولة تتقدم وتستمر".

 

  وجَّه المقدم طارق عبدالوهاب، التحية للرئيس السيسي، خلال مشاركته باحتفالية عيد الشرطة الـ71، قائلًا: "النهارده بتشرف بوجودي قدام سيادتك، واسمح لي أقول يا فندم إنهم حاولوا يطفوا فرحة

أهلنا بأول ذكرى لثورة يونيو المجيدة، وأنا وزملائي لم نتردد لحظة أن نفديهم بأرواحنا".

 

اقرأ أيضًا.. رئيس الوزراء يهنئ وزير الداخلية بمناسبة عيد الشرطة

 

 

 تابع: "صحيح فقدت إيديا، لكني لم أفقد انتمائي لوطني، ولسه قلبي بينبض بحب بلدي ولسه لساني بيهتف تحيا مصر، ولما بفتكر زملائي الشهداء بقول لو طلب مني أن أقوم بواجبي وتحدث لي هذه الإصابات 1000 مرة هقوم بواجبي فداء للوطن، وأتمنى عندما أتعافى أرجع أخدم بلدي تاني لأنها أم الدنيا وهتفضل قد الدنيا.. تحيا مصر"

 

ووصل الرئيس السيسي، صباح اليوم الإثنين، إلى مقر مجمع المؤتمرات بأكاديمية الشرطة للمشاركة في الاحتفال بعيد الشرطة الـ71، وحرص الرئيس السيسي ووزير الداخلية اللواء محمود توفيق، على وضع إكليل من الزهور على النصب التذكاري بأكاديمة الشرطة، وعزفت الفرقة الموسيقى العسكرية.

 

قصة الاحتفال بعيد الشرطة:

 

 تحتفل وزارة الداخلية بعيد الشرطة، في 25 يناير من كل عام، تخليدًا لذكرى موقعة الإسماعيلية، 1952حينما تصدوا رجال الشرطة البواسل للاحتلال الانجيلزي الغاشم، ورفضوا تسليم أسلحتهم وإخلاء مبنى المحافظة.

 

 على إثر ذلك سقط 50 شهيدًا و80 جريحًا من الشرطة المصرية في معركة الصمود، حينها طالب الجنرال الإنجليزي جنوده بإعطاء التحية العسكرية لجثث شهداء الشرطة المصرية لشجاعتهم.

 

 أدَّى صمود الشرطة المصرية تجاه المحتل البريطاني، إلى الاحترام والتقدير على الشجاعة، رغم قلة المعدات والجنود، إذْ أمر الجنرال إرسكين جنوده، بأداء التحية العسكرية لطابور رجال الشرطة المصريين، عند خروجهم من دار المحافظة ومرورهم أمامهم تكريمًا لهم.