نصائح ياسمين عز للسيدات قبل مباراة الأهلي والزمالك (شاهد)

 قدَّمت الإعلامية ياسمين عز، نصائح عدة للسيدات والفتيات قبل لقاء القمة غدًا بين الأهلي والزمالك، في منافسة بطولة الدوري الممتاز، قائلة: "إن الأجواء قبل ماتشات الأهلي والزمالك بتكون مكهربة يعني لو خطيبك اتصلتي عليه ساعة الماتش ومردش عليكي متزعليش منه؛ لأنه بيكون في دنيا غير الدنيا فمتزعليش منه".

 

 قالت عز:"ولو زوجك معرفش ينام اللية ديه متستغربيش ومتقلقيش هو بيفكر في نتيجة ماتش بكرة ومش بيفكر في حاجة تانية.. بيسأل نفسه أسئلة مهمة زي كهرباء هيبدأ أساسي ولا احتياطي .. جدو فيريرا هيلعب بعمر جابر ولا عبدالشافي  في الناحية الشمال .. طب محمد شريف هيرجع تاني ولا لأ وكم من الأسئلة الطويلة العريضة".

 

 اقرأ أيضًا.. كاتبة تدعم موقف ياسمين عز من الرجال.. أستمتع بتلميع حذاء زوجي

 تابعت :"النهاردة وبكرة حاولي تتفادي جوزك وتتلاشيه، وبلاش تطلبي منه طلبات ملهاش لازمة محبكتش.. مش لازم تفتكري إنه مفيش صلصلة في التلاجة، ولا عين البوتجاز فيها مشكلة ولازم يسلكها بكرة".

 

وأضافت عز :"الراجل سواء زملكاوي أو أهلاوي مفهوش عيوب، وكلهم طعمين وهايلين، مستطردة: "الزملكاوي عمره ماهيخونك وعنده وفاء وإخلاص عمرك ما هتلاقيه، وأقل كلمة تفرحه، ويعشق المتعة بصرف النظر عن النتيجة".

 

 واصلت: "لو لاقيتي جوزك سرحان أو مش مركز معاكي متقلقيش، بيفكر في جدو فيريرا مدرب الزمالك، مش بيفكر في واحدة تانية"، معقبة: "لوفريق زوجك اتغلب متتكلميش معاه لحد 72 ساعة مش هيبقى إنتي وأصحابه اللي بيحفلو عليه، طب لو فريقه كسب هيبقى مصباح علاء الدين".

 

يلتقي الفريق الأول لكرة القدم بنادي الزمالك أمام نظيره الأهلي، مساء غدٍ السبت، المقرر إقامتها على ستاد القاهرة الدولي، ضمن منافسات الجولة الرابعة عشر من بطولة الدورى المصري الممتاز لكرة القدم.

 

 

قائمةالزمالك أمام الأهلي:

 

وأعلن الجهاز الفني للفريق الأول لكرة القدم بنادي الزمالك بقيادة البرتغالي جوسفالدو فيريرا عن قائمة الأبيض، التي ستخوض مباراة الأهلي، المقرر لها غدًا السبت باستاد القاهرة الدولي، في إطار مباريات الجولة الرابعة عشرة لمسابقة الدوري المصري الممتاز.

 

وتضم القائمة كلًّا من:

حراسة المرمى: محمد عواد - محمد صبحي.

خط الدفاع: عمر جابر - محمد عبدالغني - مصطفى الزناري- حسام عبدالمجيد - حمزة المثلوثي - محمد عبدالشافي.

خط الوسط: محمد أشرف "روقا" - عمرو السيسي - نبيل عماد دونجا - إمام عاشور - سيد عبدالله "نيمار" - سيف جعفر - محمود عبدالرازق "شيكابالا" - أحمد مصطفى "زيزو" - مصطفى شلبي. خط الهجوم: سامسون أكينولا - سيف الدين الجزيري - يوسف أسامة نيه.

جاء ذلك خلال تقديمها برنامج "كلام الناس"، المذاع عبر فضائية " mbc مصر".