ازدحام المنصورة بسيارات الفراري.. الواحدة بـ 20 مليون جنيه
قال الإعلامي مصطفى بكري، إن الشعب المصري لم ينس مواقف الرئيس عبدالفتاح السيسي، وإنقاذه لمصر في وقت الأزمات، مضيفًا : "الوزير اللي مش نافع لازم يمشي عشان مصر محتاجة تتقدم، فيه ناس عاوزة تظلم البلد وتهدها على اللي فيها".
اقرأ أيضًا.. بكري يحذر من حلف «التخريب والتكويش» ويطالب بتعديل وزارى
وأردف مصطفى بكري: "الاستفزاز من بعض الأشخاص في الساحل الشمالي بقي عيني عينك، والله إحنا مش ضد الغنى من الحلال ربنا يبارك لهم بس لما تبقى الفيلا 500 متر بـ 118 مليونا، يبقى بالراحة على مشاعر الغلابة، وفيه 40 سيارة فيراري دخلوا مصر في 6 أشهر، 25 منهم في المنصورة والواحدة بـ 20 مليونا".
وأشار مصطفى بكري إلى أن مصر تستورد بعشرات الملايين أكل للعصافير من الخارج، كما تستورد أدوات التجميع ومعدات وأدوات البناء، وستورد البلاد بأموال طائلة كزبرة ناشفة، وهذا يعني عدم وجود صناعة محلية قوية.
وأوضح مصطفى بكري أن زيادة فاتورة الاستيراد ترفع الأسعار في الداخل لكن ما زال هناك أمل في الإصلاح ومعالجة المشكلات المختلفة، مردفا أن الرئيس السيسي يسهر ليل نهار من أجل الوطن وهمومه.
واختتم مصطفى بكري بأنه يتحدث عن المشكلات في إطار حبه ودعمه للدولة الوطنية الديمقراطية لكن هناك أشخاص يريدون إسقاط مصر، مردفًا: "واجهوا أنفسكم بالحقيقة وبلاش أي حد يقول كلمة تقولوا أهو مصطفى بكري بتاع النظام بيتكلم، عشان إحنا بينتكم من أجل البلد"، جاء ذلك خلال تقديمه برنامج «حقائق وأسرار»، المذاع على قناة صدى البلد، مساء الخميس.