بسمة وهبة تهاجم عبدالله رشدي لتحريمه كمال الأجسام: عضو بقافلة العكننة على مصر(شاهد)
شنت الإعلامية بسمة وهبة، هجومًا حادًا على الشيخ عبدالله رشدي، إمام مسجد السيدة نفيسة سابقًا، بعد أن أفتى بتحريم لعبة كمال الأجسام، بعد ساعات من تتويج البطل المصري بيج رامي للمرة الثانية على التوالي ببطولة "مستر أولمبيا" في نسخة 2021.
اقرأ أيضًا.. مرتدية الكاكي| بسمة وهبة تحتفي بنصر أكتوبر: تعظيم سلام لجيش النصر (شاهد)
وقالت وهبة، خلال برنامجها "90 دقيقة" المذاع على شاشة "المحور"، مساء الثلاثاء :"عبدالله رشدى بيكتب فتوى عن عورة الراجل وإن اللعبة بتاعة (بيج رامى) حرام.. وباقى القصيدة اللى إنتم عارفينها.. والمدهش هنا الحقيقة هو إن عبد الله رشدى واضح انه بقى سايب تعاليم الدين وأصوله وبقى متخصص في الفتاوى المثيرة للجدل".
وواصلت: "عبد الله رشدي بيدور على التريند فين ويجرى عليه بفتوى عشان يلم لايك وشير زيادة .. والمدهش أكتر ان عبد الله رشدى بقى متخصص فتاوى فن ورياضة بس.. لأن هو هو نفس الشيخ اللى طلع قلل من إنجاز لاعبات الإسكواش المصرى وتحديد نور الشربينى وبدل مايتكلم عن انتصارها واسم مصر اللى رفعته قعد يتكلم عن اللبس، وهو نفسه برضه اللى ساب كل حاجة في موضوع فريدة عثمان وركز مع المايوه".
وأكملت: "وهو هو اللى ساب كل حاجة في الرياضة وانتصاراتها وركز مع اللبس الشرعى.. وهو هو اللى خد طريق عكس كل الناس وكتب يهاجم صلاح بسبب صورة الإعلان.. والحقيقة ده هوس غريب ومش مفهوم.. تحسوا إنه في إصرار من عبد الله رشدى وغيره من أعضاء قافلة العكننة على المصريين إنهم يكملوا دور الإخوان وشيوخ التطرف في استغلال الدين لتحريم كل شيء وتسويد كل شيء .. كده مرة واحدة بفتاوى مباشرة بتحرم كل حاجة بدون نقاش ولا شرح ولا إدراك للمتغيرات الاجتماعية
وأضافت : "الغريب في فتوى عبد الله رشدى بخصوص لعبة كمال الأجسام .. إنه أتكلم بس بعد فوز بيج رامى، يعنى ماهى اللعبة موجودة قدامك بقالها عشرات السنين .. اشمعنى تطلع الفتوى بتاعتك دى في عز فرحة المصريين بالإنجاز الكبير بتاع بيج رامى ..وده اللى خلى الناس ترد عليه على السوشيال ميديا وتقوله :" انت عايز تعمل شو وخلاص يا شيخ عبد الله؟ جاي تقول الكلام ده ومصر كلها بتحتفل ببطلها بطل العالم، ليه ما قلتش الكلام ده من زمان ولا أنت أول مرة تعرف إن فيه لعبة اسمها كمال الأجسام؟".
وكان عبدالله رشدي غرد على صفحته ب" تويتر"، كاتبًا: "لا يجوز للرجل المشاركة في بطولات كمال الأجسام التي يُشْتَرَطُ للمشاركةِ فيها إبداءُ شيءٍ من العورة التي أمره الشرعُ بسترها. مارسْ من الرياضةِ ما شِئتَ دونَ أن تَخرِقَ ضوابطَ الشرعِ الشريف".
موضوعات قد تعجبك:
فيديو.. عبدالله رشدي: "الأوقاف قالت لي هنجامل بيك العلمانيين والليبراليين"
فيديو.. عبدالله رشدي كاشفا سبب منعه من الخطابة: لبست تيشيرتات وشلت أسد
لميس الحديدي: شماتة عبدالله رشدي في وفاة نوال السعداوي أمر مقزز
للمزيد من أخبار قسم الميديا اضغط هنــــــــــــــا