شاهد.. طالبة تنشر فيديو لتحرش شاب بها: "لمس جسمي في الميكروباص"

نشرت فتاة تدعى أسما إبراهيم، مقطع حي من لحظات تحرش رجل بها جسديًا، خلال استقلالها "ميركوباص" أثناء عودتها بعد انتهاء يوم دراسي لها من مدينة الزقازيق بمحافظة الشرقية، ونشرت الشابة مقطعا مصورا عبر صفحتها على "فيس بوك"، يُظهر تقارب الشاب منها والتلامس مع جسدها.

وكتبت الفتاة: "راجعه من الكلية زي كل يوم ركبت "سيرفيز" ولبسي مش مُلفت ومغطيني الحمدلله.. ركب جمبي واحد قد ابويا ومش هقول عليه راجل لانه مثال للإنسان الوسخ من اول الطريق الاقي حركات مش لطيفه خالص اقول مثلا غصب عنه ولا حاجه شغلت كاميرتي استنيت بس يكون معايا دليل اثبات علشان محدش يقولي بتتبلي عليه من الاشكال اللي زية".

وكشفت الفتاة عن ما تم اتخاذه من قبلها ضد الشخص المتحرش بها: " باكبر قوة فيا وزقيته لبرا وضربته وشتمته اني الاقي راجل نطق كله بيتفرج مع العلم ان السيرفيس كان كله رجالة"، موضحة أنه لم يتحرك رجل واحد للدفاع عنها، متابعة: "كان ممكن اخده واعمل محضر تحرش احبسة فيها بس فكرت مراته وعياله ذنبهم اية.. المهم اني خدت حقي وشكرا للرجالة اللي معملتش اي حاجة انا ب ١٠٠ راجل منهم".