رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

د.وجدي زين الدين

(فيديو).. تامر أمين معتذرًا للصعايدة:" أكثر حاجة بتضايقني إن واحد صعيدي يزعل مني

ميديا

الجمعة, 19 فبراير 2021 14:41
(فيديو).. تامر أمين معتذرًا للصعايدة: أكثر حاجة بتضايقني إن واحد صعيدي يزعل منيالإعلامي تامر أمين

كتب - أحمد فايق:

نشرت فضائية "النهار"، اليوم الجمعة، مقطع فيديو يوثق اعتذار الإعلامي تامر أمين، لأهالي الصعيد بعد إهانته لهم مساء أمس .

وقال "أمين" "أقدم اعتذار واضح وصريح لا لبس فيه لكل أهالينا فى الصعيد وفى كل مكان بمصر، اللى زعلانين منى، أنا لا هكابر ولا هآوح، أنا من الناس اللى بتعتذر لما تحس إن الناس زعلانة منها، حتى لو كانت نيتى يعلم بيها ربنا نيتى خير وكان الهدف هو المصلحة العامة".

أضاف : "أنا أكتر حاجة تضايقنى في الدنيا إن

واحد صعيدى بس أو واحدة صعيدية بس يزعلوا منى، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة".

وتابع : "والله ما أقصدتش الإهانى أبدأ، ودى آخر حاجة تيجى على دماغى، وآخر حاجة في الدنيا إن يبقى حد صعيدى زعلان منى، فانا بقول لكل صعيدى

وصعيدية جزمتكم على راسى من فوق، وأنا ابنكم وأنا ابن ريف مصر، ونسايبى أساسا من الصعيد مرات أخويا من الصعيد وبتشرف بيها وبالنسب دا"، مضيفا :"أرجوكم متزعلوش منى وحتى لو كان قصدى خير بس لو واحد فيكم بس زعلان انا بقوله حقك عليا وأنا آسف فى اعتذار صريح وهذا الاعتذار سينشر في كل مكان".

يذكر أن هيئة مكتب المجلس الأعلى لتنظيم الإعلام،  قررتوقف برنامج الإعلامى تامر أمين إلى حين استدعائه والتحقيق معه يوم الأحد المقبل، والتأكيد على ضرورة الالتزام بمدونات النشر التى تحض على تعظيم القيم السلوكية والأخلاقية، وأكد المجلس الاحترام الكامل لأهالى الصعيد الذين يمثلون الشهامة والمروءة والرجولة.

أهم الاخبار