رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

وجدي زين الدين

فيديو.. صلاح عبد الله عن هزيمة الزمالك من الأهلي: زعلان بس متقهرتش

ميديا

الأربعاء, 02 ديسمبر 2020 03:22
فيديو.. صلاح عبد الله عن هزيمة الزمالك من الأهلي: زعلان بس متقهرتش

كتب- مصطفى محمود

أكد الفنان صلاح عبد الله أن نتيجة مباراة  الأهلي والزمالك في نهائي دوري أبطال إفريقيا لم تصبه بالقهر، قائلا: "أنا مع الوقت والخبرة قدرت أظبط نفسي ممكن أزعل لكن مش هتقتهر عشان ماتش كورة".

 

حسن المستكاوي: حالة نفسية سيئة تنتاب لاعبي الزمالك أدت لخسارتهم أمام الطلائع

وأضاف "عبدالله" خلال حواره مع الإعلامية لميس الحديدي  عبر برنامجها "كلمة أخيرة" المذاع على فضائية  "ON": "بزعل أوي لما بسمع أن فيه واحد في ماتش كورة مات من

شدة الحزن أو من شدة الفرحة الحالتين بيزعلوني جدًا ... أنا من زمان بنادي بفكرة لا للتعصب وبقول دائمًا  بلاش التعصب الأعمى والتحفيل اللي شغال على السوشيال ميديا".

وتابع: "فيه شغل لجان وشغل جامد وأنا بقلهم اللي فلشوا في إشعال الفتنة الطائفية هيفشلوا برضه في إشعال الفتنة الكروية وهما بيستخدموا الكورة لأنهم عارفين إنها عند المصريين مهمة جدًا ومن
أكبر وسائل الترفيه والمتعة".
 
وتعليقًا على ما تعرض له شيكابالا قال: "اللي بيحصل ده كله دليل أن فيه ناس بتنقاد وهي دي الفكرة اللي كنت بقول عليها فكرة الطوابير وخلونا نفتكر طوابير الجمعيات لما كانوا بيقولوا زمان إلحقوا الجمعية فيها فراخ كل الناس كانت بتجري وأحيانًا كانت بتبقى إشاعة ومافيش  فراخ والناس تفضل واقفة ومنتظرة الفراخ رغم إنها إشاعة".

واستطرد: "ناس بتعبث ضد البلد عاوزين يسخنوا بين الجمهورين ويوجهوهم للتحفيل الجارح السافل الخارج ويهينوا في هذا التحفيل مهن محترمة جدًا وللأسف بنلاقي بعد نصب الطابور  نلاقي بقى اللي بيتم قيادتهم وبالتالي يكتر الطابور ".
 


 

أهم الاخبار