بالفيديو.. "أديب": "أطفال الشوارع" بقوا مشروع جهاديين

سخر الإعلامي عمرو أديب من إلقاء القبض على فرقة أطفال الشوارع، بعد نشرهم فيدوهات تنتقد النظام في مصر.

وقال خلال برنامجه "القاهرة اليوم" المذاع على فضائية "اليوم": "أجهزة الأمن بدل ما تراقب الجهاديين، حاطه مجهودها ومركزة مع فرقة أطفال الشوارع، العيال خدت 15 يوم زيهم زي أي حد قتل".

وأضاف "العيال دي انتهت، هيستلموهم جوا أما حد بتاع مخدرات أو بتاع جهاد، صورة العيال وهي في ايدها الكلابشات، وطبعًا في 45 يوم تجديد، يعني احنا مش هنشوف العيال دي غير بعد

سنتين تلاتة، كل دول بقوا مشروع جهادي، هما وعيلتهم وأصحابهم".

وتابع "توعية الشباب، مش معناها أننا نسجنهم، المفروض أننا نطلع الموجود في السجن، شوف نظرة الولد تساؤلات عايز يقول أنا تافه، في أيه يا بيه، احنا غلابة، أنا مش باسم يوسف، ولا أنت متقدرش على باسم يوسف حتى ..هتبقى منتظر منه أيه بعد كده".

الفيديو..