حورية فرغلي تدافع عن قاتل نيرة أشرف بعد سماع رسائلها
أثارت الفنانة حورية فرغلي، الجدل بأحدث تصريحاتها بعد إعلان تعاطفها مع محمد عادل قاتل نيرة أشرف، مما جعلها تصدرت محركات البحث، إلى جانب رأيها في اتهام البعض للفن بالتسبب في انتشار جرائم القتل.
(اقرأ أيضًا).. صور| بعد تصريحات حورية فرغلي عن الاكتئاب.. متابعيها يشيدون بإطلالاتها الساحرة
وأوضحت حورية فرغلي في تصريحها: " تعاطفت مع قاتل نيرة، زي ما تعاطفت معاها، وصِعِب عليا الولد؛ لأنه صغير جدًا وما عندوش خبرة، وبيصدق كل حاجة، وحبها جدًا، وغار عليها غيرة عمياء، وفي رجالة لما بتغير؛ بتقتل، وتكون البنت ما عملتش حاجة، يعني من نوعية أنا ما حدش يضحك عليا، وأنا ما يحصلش فيا كدة ".
وأضافت حورية: " هما كانوا صحاب، وساعدها في المذاكرة، وبدأ يحبها قبل ما تكون موديل؛ لأنه حبها لشخصها، فبدأت تغيَّر طريقتها معاه، وسمعت ماسدج من الماسدجات اللي انتشرت وهي بتقول له: أنا لقيت واحد
وتابعت: " والولد قال الكلام ده في المحكمة، وما حاولش حتى يكذب أو يجمل اللي عمله، وفي رجالة كتير بتكون مريضة بمرض الغيرة، بس برضو ما يوصلش للقتل بالمنظر ده ".
ودافعت عن من يتهم الفن بالتسبب في انتشار الجرائم: " الفن عمره ما يتسبب في كده، اللي بيقول كده؛ ينشر الأفلام دي، ويوريها لينا، أنا شخصيًا، رفضوا يخلوني أقدم الجزء الثالث من مسلسل ساحرة الجنوب؛ بسبب مشاهد الرعب اللي فيه، لكن الفن بيمثل الواقع ".