حلا شيحة تهاجم تامر حسني لهذا السبب وتعلق " ده ميرضيش ربنا " ( تفاصيل )
![تامر حسني و حلا شيحة](/themes/alwafd/assets/images/no.jpg)
هاجمت الفنانة المعتزله حلا شيحة الفنان تامر حسني ، وذلك عبر منشورها الجديد على حسابها الشخصي بموقع تبادل الصور والفيديوهات " إنستجرام ".
اقرأ ايضاً..
كلاكيت تاني مرة.. حلا شيحة ترتدي الحجاب مجددًا وتعلق" حالى تغير مش أنا
وعلقت " شيحة " عبر منشورها معبره عن عدم رضاها بنزول فيديو كليب " بحبك " والذي يجمع بينها وبين تامر حسني في فيلمهما الجديد " مش أنا " ،وكتبت : " أنا اتفاجئت جداً بنزول كليب يجمع فيه مشاهد متفرقة من الفيلم و في أيام ذي الحجة أيام مباركة و خصوصاً بعد اخر بوست نزلته و وضحت فيه أنا إيه ".
وأكملت حديثها قائلة :" و اتفاجئت أكتر خصوصاً بعد وعد تامر حسني ليا وتأكيده أنه هيحترم رغبتي و بعض الطلبات اللي طلبتها منه بكل إحترام وود الصيف اللي فات ، أحنا يمكن نجحنا بمقايس الدنيا بس صدقوني بمقايس ربنا أحنا لم و لن ننجح ".
وتابعت : " أنا عارفة ومتاكدة أن زملائي جواهم خير بس للأسف فتنة الشهرة و النجاح مش بتخلينا نشوف ونقيس الأمور صح ،بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط و لازم نغلط علشان أحنا بشر بس المصيبة أننا بنغفل وبننسى ".
وأوضحت : " أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الأخر ده اللي حينفعنا مش الشهرة ولا النجاح لا هو مش نجاح أصلاً علشان النجاح الحقيقي حاجة تانية خالص أحنا أغلبنا ناسينها إلا القليلين منا "
وقالت : " الفن لو بيخلينا نبعد عن منهج ربنا ومنبقاش قدوة لأولادنا يبقي باطل وميبقاش فن ،أحنا كلنا عندنا إمتحان في الدنيا دي وحابة أفكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايماً خايف من كده.. كلام أكيد قولته في لحظة صدق جواك وجوانا كلنا ".
وقامت " شيحة " بوضع لينك الفيديو التى ظهر وهو يقول ذلك ، وقالت : " شوفه تاني يمكن يفكرك إن جواك أكيد في صراع وأنا وكلنا ، كلنا بنغلط بس المهم في الآخر نتدارك الغلط و نصلح .
{إِلَّا مَن تَابَ وَءَامَنَ وَعَمِلَ عَمَلًا صَـٰلِاً فَأُو۟لَـئكَ یُبَدِّلُ ٱللَّهُ سَیِّـَٔاتِهِمۡ حَسَنَـٰت وَكَانَ ٱللَّهُ غَفُوراً رحيماً}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد ".
tags موضوعات ذات صلة
تامر حسني يشارك جمهورة فيديو أغنيتة الجديدة " بحبك " عبر " إنستجرام " ( فيديو )
بالفيديو.. فيلم "مش أنا" يعود للترند من جديد.. بسبب أغاني "مش تمثال" و"بحبك"