فيديو.. صابرين عن خلع الحجاب: اللي هينزل معايا القبر يحاسبني

علقت الفنانة صابرين  على ما يتردد عنها بشأن ارتداء الحجاب ثم خلعه واستبداله بالباروكة ثم العودة لشعرها، قائلة: "لما لبست الحجاب لبسته عن إيمان شديد وكنت في لحظات لخبطة، وخاصة بعد مسلسل أم كلثوم حصل نجاح كبير".

 

اقرأ أيضا

فيديو.. طبيب: واقعة تحرك متوفي في النعش بالبحيرة "هلوسة"

وقالت صابرين في حوارها مع الإعلامية لميس الحديدي في برنامج "كلمة أخيرة" على فضائية "ON": "فيه أقنعة كثيرة اتشالت وسقطت بعد المسلسل من زملاء الفن بعضهم كانوا بيحبوني عشان حبوبة ولطيفة وبعدين فوجئت بالأقنعة دي بتسقط وقلت وقتها أنا إيه ده؟ إيه الي بيحصل ده؟  باسم المنافسة أنا مش بتاعت كده خالص.. أنا واحدة بمشي جمب الحيط".

وتابعت صابرين: "جتلي حالة عزوف وقتها وكان عندي انفصال ولخبطة خلتني

أقعد في البيت لكن عن إيمان وإن الواحد بيحب يعمل اللي عايزه بصدق.. ولما قررت خلع الحجاب مجدداً حسيت إن ده مش صح أوي ولا اللي قبله كان صح برضه أوي وسألت نفسي ليه أكون بثلاث وشوش أو بوشين؟".

 

ووجهت رسالة لمنتقدي خلع الحجاب قائلة: "اللي هينزل معايا القبر يحاسبني.. فيه ناس بتدخل على السوشيال ميديا يوجهولي رسائل من نوعية: بحبك في الله وأنا بتقبل ده لكن فيه شريحة تانية شغالة بهدلة وتهزيء ودول لجان".