"الفيسبوكيين"يسخرون من الراجل أبو نقاب
علي غرار صفحات الراجل ابو جلبية والراجل اللي واقف وراء عمر سليمان، قام شباب الفيس بوك بتدشين صفحات" للراجل ابو نقاب"
الذي تم القبض عليه الجمعة الماضية في ميدان التحرير، متسائلين عن هوية هذا الرجل خاصه وأن ملامحه إلي حد كبير غير مصرية، ومتسائلين عن سر ارتدائه النقاب ؟!!
ولم تخل التعليقات التي كتبت علي هذه الصفحات من خفة دم المصريين ومنها:
خبر عاجل :قرر الراجل اللي لابس نقاب في ميدان التحرير التنحي وخلع النقاب وهيلبس قميص وبنطلون .
هو كان نازل يعمل دعاية لشركه نقاب جديدة.
أنباء غير مؤكدة عن تجميد ارصدة الراجل اللي لابس نقاب.
قرر صاحب النقاب اطلاق حزب جديد للمنقبين فقط .
حد يعرف الراجل دا كان لابس النقاب ليه في ميدان التحرير؟
عشان يعرف العالم كله ان مصر بقي فيها ديمقراطيه ومن حق اي حد يلبس اللي هو عايزه .
الخارجية الأمريكية تنصح الرجل اللي لابس نقاب في ميدان التحرير بضبط النفس.
الراجل اللي لابس نقاب في ميدان التحرير يرفع شعار :اه ياني ياني ياني مش هلبس نقاب تاني .
في تغير ملحوظ في الاحوال الجوية داخل القاهرة و المحافظات ارجعت هيئة الارصاد الجوية هذه التغيرات الي موجات الجري السريعة للراجل ابو نقاب مما ادي الي تغير ملحوظ في الضغط الجوي من منخفض لمرتفع والعكس وافاد رئيس الهيئة ان النقاب اللي كان الراجل لابسه قد شفط كل الهواء في العاصمة.
أنباء عاجلة: إصابه الرجل الي كان لابس نقاب بكدمات نظرا لتدافع الجموع الحاشدة في ميدان التحرير عليه لضربه بالجزمة.
القذافي يتهم الراجل اللي لابس نقاب بسرقة النقاب بتاعه.