رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

فيس بوك للعسكري..(خبية أمل ورجاء)

شبابيك

الثلاثاء, 12 يوليو 2011 22:59
كتبت- دينا صلاح الدين:


عقب إذاعة بيان المجلس العسكري الأخير والذي ألقاه اللواء محسن الفنجري اليوم، اهتمت صفحات وأعضاء "فيس بوك" بالخطاب، بل أفردت له الصفحات الخاصة والتي توضح الاتجاهات المختلفة لأعضائها.

فعلى صفحة "كلنا خالد سعيد" أشهر صفحات فيس بوك، وجد الخطاب اهتماما كبيرا، فعليها يمكن قراءة آلاف التعليقات الواردة من أعضاء الصفحة، فمنهم من رأي في هذا البيان خيبة أمل كبيرة، ومنهم من لم يستطع الحكم عليه، ومنهم من استحسن مضمون البيان وأخذ في الدفاع عنه.

استاءت تعليقات الأعضاء من اللهجة الحادة للبيان، ومن بين هذه التعليقات: "الجيش بيهدد بدل ما يستجيب والخطاب كله مفيهوش وعد بتحقيق أى مطلب"، "طالما ادينا التحيه للشهداء .. واعترفنا انهم اصلا شهداء وحصرناهم وعرفناهم .. اعتقد من الصح إننا نجيب لهم حقهم ...مش كده ولا ايه....وبعدين حضراتكم اللى فى ايدكم القرار ليه بتسيبوا الناس قلقانه ...مش تطمنوهم احسن بالأفعال وبالمحاكمات العادلة"، "هو آفش علينا كده ليه؟!

تعليقات محايدة

كما علق البعض الآخر على البيان بشكل محايد، ومن هذه التعليقات: "يا

جماعة بغض النظر عن اخواتنا اللى سابوا كل الخطاب ومركزين على صوته ياريت نركز اكتر على اللى بيتقال أفضل .. بجد ودا رأيى المحدود ان الخطاب جاء مخيب للآمال ولم يتحدث عن أى من مطالب الثورة وخطاب عصام شرف بالنسبة لى كان أكثر ايجابية وأخشى ...ان ننجرف نحو مرحلة خطيرة اذا تعمد المجلس العسكري تجاهل مطالب الجماهير العريضة وياريت نتعلم من أخطاء الغير لأن المؤمن لا يلدغ من جحر مرتين فياريت مانغلطش نفس الغلط بتاع مبارك ونفضل متجاهلين المطالب اللى كل يوم بتتصاعد .. حماك الله يا مصر".

ومن التعليقات أيضا: "ياريت نحترم شوية القيادات مش شطارة إن احنا نطلع نشتم فى دة ولا دة عييييييييييييب"، "يا جماعة الراجل بيتكلم كده عشان ده راجل في الجيش والبيان في قرارات مهمه ماينفعش يتدلع يعني وهو بيقولها ماينفعش نتريق على طريقته في

الكلام اللي في الجيش بس هو اللي حيفهم".

كلنا اللواء الفنجري

وعلى الجانب الآخر، وجد البيان أصداء إيجابية لدى البعض فسارعوا بالرد على من هاجموا اللواء الفنجري ودافعوا عن موقفه، ومن بين تلك التعليقات: "كل من هو متضايق من الخطاب يبقي عارف إنه مخرب لأن الخطاب بيتوعد المخربين"، "هي دي اللهجة المطلوبة للفوضى اللي بتحصل والعصيان اللي موجودين دلوقتي"، "أولا: بيزعق ...والله أحسن من اللي بيطبطب ضد المصلحة، ثانيا :حتى لو اللى في التحرير دوول مجرد ناس ليها حقوق مش كلام بلطجية وقرف فالشعب كله كمان ليه حق انه ميعش خايف او ان دول يقرروره بعد ماهو قرر في الاستفتاء، ثالثا:البلد دى دخلت ف دوامة كبيرة ...وبقى كل اهتمامها ازاى نمشى المجلس او نقعده بقينا بنفكر ازاى نهد مش نبنى، فمعلش لو هو بيزعق يعنى".

كذلك جاءت تعليقات مؤيدة بالصيغ التالية: "هههه يعني الراجل بيهدد اللي بيخربو البلد وانتو شايفينو بيهددكو .. يعني انتو معترفين بقى انكو بتخربوها ههههه مسخرة"، "دي إدارة بلد ميش وكالة نديرها علي قهوة...خطاب جيد و خطاب الدكتور عصام شرف كذلك....و أسأل الله التوفيق لكل من يحب مصر و يعمل بشكل صحيح يخدم مصالحها و مصالح أبنائها و أسأل الله أن يجنب مصر الفتن و الفرقة".

شاهد فيديو بيان المجلس العسكري

 

أهم الاخبار