أهى قامت مصر..

اهى قامت مصر بتقلع توب الذل ..

اهى صحيت مصر يا ناس قدام الكل

بتنادى فى المخلصين نصارى او مسلمين ...

نبت الغيطان والطين والنيل بوشة يطل

اهى قامت مصر بتقلع توب الذل اهى صحيت مصر يا ناس قدام الكل

النيل ملا الشوارع رايح فيها وراجع ...

النيل كره السكوت... بيخرج من البيوت

..

النيل على الارض جارى ..

بيزحف من الحوارى ..

بيحاصر القصور

النيل سمع غنانا ..

النيل هتف معانا فى اصغر الكفوف

واهى قامت مصر ام القاعدين...

بتتعانق بهلال وصليب

والنيل بيقول يا صباح الفل

نقلا عن مدونة علاء القمحاوى "مسخرة"