تعرف على خطوات قيادة السيارة الأوتوماتيك

كتب-محمود هاشم

رغم سهولة قيادة السيارات الأوتوماتيك إلا أن هناك الكثيرين يجهلون قيادتها، وسنعرض إليكم  شرحا مبسطا لقيادة السيارات الأوتوماتيك، كما تقدم معلومات جديدة يجهلها الكثيرون من سائقي هذا النوع من السيارات.
اولا الرموز الأساسية المتواجدة على ايد الفتيس

الـ P يعنى Park  تعمل على توقف العربية
الـ R يعنى Reverse  تعمل على الرجوع إلى الخلف "مارشدير"
الـ N يعنى Neutral وضع التمووير

الـ D يعنى Drive وضع السواقة أو المشى بالسيارة

1 -اعلم جيدا أن السيارة في الأوتو مش تدور على الـ D ولا هتدور على الـ R لأنه بـ اختصار ال D وال R بيفصلوا كهربة عن المارش تماما ولا يمكن ان تشغيل السيارة نهائى.

2 - وأنت واقف في إشارة هات الـ N اللى هو المور عشان تريح تروس الفتيس ومتلفش على الفاضى وتبقى العربية عايزة تطلع وأنت ماسكلها فرامل

3 - وأنت بتجيب الـ D أو الـ R خلى رجلك على الفرامل لأنك لو جبت حاجة من غير فرامل هتلاقى العربية مشيت من غير ما تدوس بنزين لأن التروس اتحركت وحركت العربية معاها.

4 - مينفعش تنقل من نقلة لنقلة والعربية ماشية حتى لو ماشية على سرعة 5 كم يعنى مينفعش مثلا وأنت بتطلع من ركنة وجايب ال D والعربية لسة براحة أوى وبتطلع من الركنة تروح جايب ال R عشان تعدل نفسك وتطلع .. لا أنت كدة بتدمر تروس الفتيس مع الوقت .. لازم العربية تقف وتروح جاى ناقل من الـ D والـ R

والعكس

5 - نيجى بقى للأوضاع التانية وهي الـ L والـ 2 والـ 3
الـ L هو الغيار الأولانى ودة الناس بتستخدمه في المطالع الجامدة لأنه بيدى عزم شديد على سرعة قليلة بس خد بالك مينفعش تكون ماشى 60 ولا 80 وتروح جايب الـ L هتكسر الفتيس كدة أخرك 30 بالكتير تجيب الـ L عليها

الـ 2 ودة الغيار التانى والأول مع بعض بيسمح للعربية تننقل بينهم
الـ 3 ودة الغيار الأول والتانى والتالت فقط مش بتنقل للرابع
وممكن  التنقل اثناء القيادة على الـ L أو ال 2 أو ال 3 تجيب ال D مرة واحدة.

6 - وينصح الخبراء عدم التنقل الى  P مرة واحدة  وعدم شد الهاند أو الـ P وتشد الهاند بعدها

الوقفة الصح بالفتيس الأوتو هو أنك  تبطل أهو وتنزل من العربية ركز بقى معايا

تروح دايس فرامل وتجيب الـ N وترفع الهاند وبعد كدة  تجيب ال P

3خطوات... من الشمال لليمين

N > Hand Break > P