خذوا الحكمة من «سواق التاكسى»
شاء حظى أن أكون فى مرمى كلام سائق تاكسى ركبت معه لمدة لم تتجاوز 7 دقائق لتوصية سريعة لولا خشونة الركبة لكنت قد أعفيت من حالة الدهشة التى انتابنتى من كلامه، ولكن رب ضارة نافعة فما قاله الرجل يكشف إلى أى مدى يتفشى الجهل وعدم تدقيق المعلومات لدى الكثير من المصريين وكذلك إلى أى مدى يردد البعض كلاماً من عينة: «هم قالوا وبيقولك وقالك إيه»، فى النهاية لا تعرف مصدر المعلومة الحقيقى التى فى الغالب لا هى معلومة ولا يحزنون هى مجرد كلام مرسل بلا أدنى منطق.
المهم أعود إلى حديث مرافق رحلة السبع دقائق بعد أن أعلمنى أن العداد عطلان وأن الدنيا زحمة والحاجة غالية.. جاءت المعلومة المؤكدة عن لسانه «بيقولوا الحكومة هترفع المرتبات من أول يوليو الجاى 80% والحكومة قالت للتجار اعملوا اللى أنتم عاوزينه وارفعوا الأسعار لحد 200%»، كان ردى عليه: «مين اللى قال كده؟».. قال لى: «بيقولوا»، استبعدت أن أخرج منه بمصدر صريح لما يدعيه طبعاً، فقلت له: «والحكومة هتجيب منين علشان ترفع المرتبات دى الظروف صعبة والبلد حالتها الاقتصادية مش ولابد ولسه قدامنا شوية».. فقال العالم ببواطن الأمور: «اللى قالوله كل حاجة البورصة فيها سيولة الحكومة هتاخد من البورصة»، طبعاً مع المعلومة الرهيبة والعبقرية التى ساقها الرجل ليبرهن على صحة كلامه، ما كان منى إلا أن توقفت عن