15 مليون مشاهدة.. حماقي في رقم قياسي جديد بأغاني "يافاتنّي"..(في أسبوع)

الأربعاء 13/أكتوبر/2021 - 05:37 م

حقق الفنان محمد حماقي، رقم قياسي بالأغنيات التسع لألبوم "يافاتنّي"، حيث كسر حاجز الـ 15 مليون و 575 ألف مشاهدة، وذلك خلال أسبوع من طرحهم عبر قناته الرسمية على موقع الفيديوهات الشهير "يوتيوب".

أغنية مش قادر أنسى الأعلى مشاهدة

سجلت "مش قادر أنسى" الأعلى مشاهدة، بجانب تصدرها المركز الأول في قائمة الأكثر مشاهدة على "يوتيوب"، حيث اقتربت من الـ 4 مليون مشاهدة خلال أسبوع من طرحها.

من كلمات: أمير طعيمة، ألحان:حماقي وأحمد صلاح حسني، توزيع:تميم، وتقول كلماتها:"معقولة أهون عليك يا حبيبي أهون عليك وجه اليوم اللي أنده عليك يا حبيبي ما تسمعنيش مش واحشك اللي فات ده ما بينّا ذكريات وعمر بحاله مش ساعات ما تظلمنيش مش قادر أنسى بداري مهما أداري في بالي لسه طوّلت في الغياب أنا هقبل العتاب تعالى وسيب ما بينّا باب ما تقفلهوش يمكن غلطت فيك أو قلت حاجة ليك في زعلي ساعات بقول كلام ما بقصدهوش مش قادر أنسى بداري مهما أداري في بالي لسه".

تفاصيل أغنية ولاليلة من لياليك

تلتلها أغنية "ولاليلة من لياليك"، التي حصدت أكثر من 2 مليون و 600 ألف مشاهدة، وحصلت على المركز الثاني في قائمة الأكثر مشاهدة على "يوتيوب".

من كلمات محمد عاطف، ألحان:تامر علي، توزيع:تميم.

وتقول كلماتها:"موضوع فراقك عني مش سهل وبسيط مطرح ما أروح بلاقيك قوام على بالي جيت إياك تصدق فكرة إن انت اتنسيت أنساك ده إيه! ده أنا عقلي مش مستوعب إننا غير زمان مين كان يصدق يوم مايجمعناش مكان خليتني أحاسب نفسي وفقدت الأمان بتسيبني ليه! ولا ليلة من لياليك يا حبيبي من لياليك مش عارف أعيش غير بيك ده أنا سكني جوه عينيك على طول بفكر فيك والدنيا واقفة عليك يا حبيبي كده بعد أحلى غرام مابقاش ما بينّا كلام طب كنت قوللي وداع طب كنت قوللي سلام فين راحت الأحلام دلوقتي مين يتلام يا حبيبي ازاي ماتوحشنيش وشمس هواك تغيب كل أما بسأل حد بلقى جواب غريب حتى اللي قالوا كل شيء قسمة ونصيب ماريحوش مش عايز استسلم لخوف أو لاكتئاب بقفل بيبان الوحدة بالناس والصحاب جوايا نار وبعيش حنين قبل الغياب ماعرفتهوش ولا ليلة من لياليك يا حبيبي من لياليك مش عارف أعيش غير بيك ده أنا سكني جوه عينيك على طول بفكر فيك والدنيا واقفة عليك يا حبيبي كده بعد أحلى غرام مابقاش ما بينّا كلام طب كنت قوللي وداع طب كنت قوللي سلام فين راحت الأحلام دلوقتي مين يتلام يا حبيبي".

تفاصيل أغنية ماتعودناش

أما "ماتعودناش" فقد سجلت أكثر من 2 مليون و 200ألف مشاهدة، وضمت فريق عمل غنائي جديد للمرة الأولى مع حماقي، مع الشاعر محمد القاياتي، الملحن محمد حمزة، الموزع الموسيقي:أمين نبيل.

وتقول كلماتها:"يين علشان نرتاح بس ولا نسينا ولا ارتحنا أنا وانت هنبقى لمين غيرنا وهنهرب فين من تفكيرنا من امتى بنقدر ع النهايات وأنا وانت حياتنا في مشاعرنا ولا شوق بيقل مع الأيام ولا قوة قلب هتنفعنا أنا وانت إن عِشنا لسنة هنعيش كما لو كنا في لعنة".

تفاصيل أغنية يافاتنّي

جاءت أغنية "يافاتنّي"، بأكثر من مليون و 400 ألف مشاهدة، من كلمات:أمير طعيمة، ألحان:محمد النادي، توزيع:توما، وتقول كلماتها:"ياااا يا فاتنّي شوق آسرني طال غيابك يااااه ليه تفارق قلب عاشق دق بابك يا ناسي عمري ومالك أمري تعبت قلبي من عذابه ومين بيقسى وعادي بينسى حبايبه لما عنه غابوا يا ناسي شوقي وحنيني يا ريتني أنساك ياااا يا فاتنّي خدت مني قلبي هاته يااااه مين بإيده يعني ينسى ذكرياته هواك غلبني ليالي سايبني ما بين دموعي واشتياقي وبتلاحقني ويا تلحقني يا تقضي ع اللي مني باقي يا ناسي شوقي وحنيني يا ريتني أنساك".

تفاصيل أغنية ظلموني

أما "ظلموني" فقد حققت أكثر مليون و 100 ألف مشاهدة، وضد تضمنت فريق عمل غنائي جديد للمرة الأولى مع حماقي، للشاعر:رفيق نجيب، والملحن:ياسر نور، وتوزيع :توما.

وتقول كلماتها:"اللي أنا في القلب شايلهم شُفت أنا منهم مليون وش وأما أشكي ساعات للناس ما لاقيش غير كلمة طب معلش وآدي آخرة اللي يصدق حد بجد الناس بتغش ظلموني ظلموني ظلموني لأ قال إيه وجايين يلوموني من وسط الجنة اتشديت شد لحد النار وسابوني وأتاريني ضيّعت سنيني ع اللي شايفهم قدام عيني بيبيعوا الحب بقسوة قلب بأرخص سعر رموني ماقابلتش حد حنين م اللي بشوفهم في الأفلام في الوش حبيب والضهر غريب الطيبة دي في الأحلام لو عندك كلمة حق شوف هتبيعها لمين".

تفاصيل أغنية وبنفارق

وحصلت أغنية "بنفارق"، على أكثر من مليون

و 200 ألف مشاهدة، من كلمات: أمير طعيمة، ألحان:تامر علي، توزيع:تميم.

وتقول كلماتها:"نفارق وده اللي تاعبنا بنفارق حاجات جوانا سنين بنفارق ولا عارفين هنعيش اللي جاي يا قلبي لمين أحلى سنين اللي كانوا معاه بعد ما راح قلبي راح وياه ولا اتمنيت بعد منه حياة أحلى سنين اللي كانوا معاه بعد ما راح قلبي راح وياه ولا حبيت نفسي إلا معاه من خوفي بقيت مبخافش من وجعي الوجع مبقاش موضوع لا أنا بشكي من اللي أنا فيه ولا ببكي عشان خلصت دموع".

تفاصيل أغنية وعايزك تسمعني

وسجلت أغنية "عايزك تسمعني"، أكثر من مليون مشاهدة، من كلمات :أمير طعيمة، ألحان:عمرو مصطفى، توزيع:نادر حمدي،

وتقول كلماتها:"عايزك تسمعني ومش عايزك تعذرني ولا تسامح صدقني مانمتش لا دقيقة ولا ثانية من امبارح إحساس وبينطفي تدريجي بتغيب وأما بتيجي مابحسش فرق كبير وخلاص مابقاش اللي ما بينّا يستاهل نستنى ده احنا اتأخرنا كتير أنا بيني وبينك خطوة وكل واحد في مكان مابقيتش بحس بنفس اللهفة وحب زمان وأنا مش هستنى إني أخونك يوم ولا أتخان أصعب لحظة بتعدي عليا في عمري بحاله كان عمري ما أصدق يوم نوصل للي احنا وصلناله مين دول أنا وانت بقينا غيرنا من جوه اتغيرنا وبقيت مابتشبهنيش لا هقول أنا مظلوم ولا جاني في حل مالوش تاني إننا في البعد نعيش".

تفاصيل أغنية يانسيم

أما أغنية "يانسيم"، سجلت أكثر من 970 ألف مشاهدة، من كلمات وألحان عزيز الشافعي، توزيع:توما.

وتقول كلماتها:"يا نسيم حبيبي نسّم.. يا جماله لما اتبسّم وأما ناداني بإسمي يا عيني مزيكا وبتقسّم ده غريب ده مش معقول.. الحُسن اللي على أصول مصروفله جمال وقبول يدخل قلبك على طول ويتحكم يا نسيم حبيبي نسّم.. يا جماله لما اتبسّم وأما ناداني بإسمي يا عيني مزيكا وبتقسّم ده جميل وشوفوا عينيه.. وقليل كلامي عليه مصروفله دلع ورواق يا جدع وطبيعي قصاده هستسلم ده يروح مكان ما يروح.. ياخد العيون والروح مصروفله جمال عدى المسموح ويطير العقل لو سلّم".

تفاصيل اغنية ردوده غريبة

ختامًا أغنية "ردوده غريبة" حققت أكثر من 900 ألف مشاهدة، من كلمات:تامر حسين، ألحان:عزيز الشافعي، توزيع:توما.

وتقول كلماتها:"ردوده غريبة كل ما أواجهه يتبرجل ويعمل فيها متأخر ومستعجل واقولّه في سري هي دي حاجة تتأجل حبيبي بقى قول ماتتعبنيش ده بيلمّحلي بس أنا عايز أتأكد يقولها بصوته ويريحني ويأكّد دي حيرة إيه وليه قاصد ومتعمد يسيبني في نار مابتسيبنيش ردوده غريبة غريبة غريبة غريبة ردوده غريبة غريبة غريبة غريبة يا خوفي بجد لا يكون شكي في محله ويبقى حاببني بس البعد أسهلّه في ناس م القُرب بيخافوا وبيملّوا وفي أسباب مابنقولهاش طب أعمل إيه لو ألقى الظروف بتمنعني وأسمّي ده إيه أكيد إحساس مالوش معنى ساعات الحب يعمينا ويخدعنا وياما حاجات مابنطولهاش ردوده غريبة غريبة غريبة غريبة ردوده غريبة غريبة غريبة غريبة".