عاجل
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

(شاهد) القصة الكاملة لأزمة مها أحمد وهجومها على السقا وكرارة

مها أحمد وكرارة والسقا
مها أحمد وكرارة والسقا

تصدرت الفنانة مهما أحمد مواقع التواصل الاجتماعي، خلال الساعات الماضية بسبب  رسالة غامضة شديدة اللهجة، لنجمين كبيرين، وذلك عبر حسابها الرسمي فيسبوك .

 

اقرأ أيضًا..أمير كرارة عن هجوم مها أحمد : والله عمري ما شوفتها

 

وبعد جدل كبير تسبب فيه مضمون رسالة الفنانة مهما أحمد ، ليرد عليها كلًا من شقيقة الفنان أحمد السقا ووالدته، والنجم أمير كرارة خلال الساعات القليلة الماضية ، تظهر الفنانة من جديد في فيديو لها عبر حساباتها الرسمية علي مواقع التواصل الاجتماعي، لتؤكد فيه أن مضمون الرسالة صحيح وليست نادمة بل الفيديو للتوضيح.

 

وفي السطور التالية نعرض لكم الأزمة كاملة: 

 

مها أحمد توجه رسالة غامضة لنجمين كبيرين: مخدماتية وكومبارس

 وجهت الفنانة مها أحمد رسالة غامضة شديدة اللهجة، لنجمين كبيرين، وذلك عبر حسابها الرسمي على موقع التواصل الاجتماعي الشهير "فيسبوك".

 

 تضمنت الرسالة ما يلي: "عوضي على الله دى الجملة اللى دايمًا بقولها لما اتصدم فاشخاص، الحكاية ياسادة نجمين عملوا مسلسل واتنجمت عليهم بنوته لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أية زميلة لهم أقربها أنا".

وأضافت: "النجم الأولانى بينى وبينه عيش وملح وزمالة رشحت فمسلسل بطولته وكان بيقنعنى

بدور ولما وافقت بعتولى دور تانى معرفوش دور متعملوش واحدة مبتدئة المفروض أنه عارف قيمتى الفنية وعارف أنى إضافة له اتهرب منى وموقفش جنبى وباعنى رغم أن الكل عارف أنى زى أخته (ندل)".

 

أما التانى كان فبداياته يتمنى يسلم عليا ويقولى يا أستاذة نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه طبعًا محكلكوش قد ايه ندمت نفسى وعشت أسود أيام حياتى عياط واكتئاب وقلت عوضى عليك يارب".

واستكملت كلامها: "تمر الأيام والاتنين يعلو ويتجمعوا مع بعض فمسلسل واحد(على عينهم طبعًا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه أولى تمثيل وخبرة ويتحول المسلسل والدعاية الدراما كامله لصالحها وهما (مخدماتيه للأستاذة)".

واختتمت: "يمهل ولا يهمل، أبدوا من جديد يا أوفر تمثيل ياللى مبتقروش ياكمبارس جنب النجمة. نصيحة بلاش تتشطروا على اللى كان بينكم وبينهم عيش وملح بلاش تتشطروا على أساتذتكوا. (عوضنا على الله).. يارب متحوجنا لحد حتى ولو كان أقرب الناس لينا".

 

 لم تذكر مها أشخاصًا بعينهم في مضمون رسالتها، واكتفت بذكر المواقف المؤلمة معهم، والخلافات الفنية التي وقعت بينهما.

 

شقيقة السقا ترد على مها أحمد: إزاي كنتي بتدخلي بيتنا

 

قامت شقيقة السقا السيدة فاطمة السقا، بالرد على الرسالة الغامضة للفنانة مها أحمد، وذلك عبر حسابها الرسمي على موقع التواصل الاجتماعي الشهير "فيسبوك".

 

جاء رد فاطمة كالآتي:" الكلام ده موجه ليكى يا أستاذة بدل ما تفضلى تمسحى ردى كل شوية، ابهرتينى يا مها بأخلاقك العالية .. و بانك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه “ندل” اللى هو احمد السقا..

بس انا بقولك قدام الناس قطع لسان أى حد يقول عليه

كده؛ لأنه راجل أكرمك و وقف جنبك انتى و مجدى بدل المرة ألف.. .. وأمير كرارة بردو راجل جدع و محترم للى ما يعرفهوش فى البوست بتاعك ده ".

 

وتابعت" معرفش ايه الفرص اللى كانت عندك اللى كان يتمنى يشتغل معاكى فيها زمان بس هو أى حد يتمنى يشتغل معاه دلوقتى أكيد .. و كلمة الدور بينادى صاحبه دى بتاعة أفلام .. ما بتتقالش فى الحقيقة .. كفايا دراما و تشويه للناس..و بعدين هما كممثلين مش مطالبين يقفو جنبك ولا يجيبولك أدوار على فكرة، دى رؤية مخرج و ناس بتوع كاستنج الحقيقة أنا مش عارفة أنتى عايزة ايه ..أنا مش شايفة بعد العشرة الطويلة اللى أنتى قولتى عليها غير كمية الحقد و السواد و الشماتة اللى كانو متداريين ورا ابتسامة كدابة معرفش انتى إزاى كنتى بتدخلى بيوتنا الصراحة وانتى ست وحشة كده"

واختتمت كلامها، قائلة:" نسيت أقولك السب والتطاول ده بيدل على الأصل.. وإحنا بقى ولاد ناس مع أننا عندنا كلام كتير أوى يتقال".

 

أمير كرارة عن هجوم مها أحمد : والله عمري ما شوفتها

 

علق  كرارة على منشور أحد الصحفين بوقع التواصل الاجتماعي فيسبوك قائلًا: "يا خالد أنا عمري ما شوفتها أصلا والله أنا مجدي وخالد وصلاح كامل ناس محترمة دخلت بيتهم".

 

وتابع كرارة :"جملة الدور بينادي صاحبه دي أكيد معرفش بتتقال إزاي والله.. وسبحان الله مع إنها كانت مبسوطة من جملة كتع كسح كتل ومتكلمتش غير بعد قرار محمد سامي لما نزل".

 

والدة أحمد السقا عن هجوم مها أحمد : كومبارس فاشلة

 

 كتبت نادية السقا عبر حسابها الرسمي على موقع التواصل الاجتماعي فيسبوك قائلة :  "على الأصل دور كومبارس فاشلة تتطاول وتسب فنانين كبار وتعلق فشلها عليهم تبحث عن الشهرة بطريقة بذيئة".

 

وأضافت: "مهما حاولتي يا كومبارس ليس لك مكان بين الفنانين المحترمين وأن طلع العيب من أهل العيب ما يبقاش عيب".