صورة..تامر حسني يستعد لطرح إعلان جديد مع أطفال "الكونسرفاتوار"

كشف الفنان تامر حسني عن عمله الفني الجديد، الذي يتضمن إعلانًا غنائيًا مع أطفال المعهد العالي للموسيقى"كونسرفتوار"، وذلك عبر حسابه الرسمي على موقع التواصل الاجتماعي الشهير "فيسبوك".

 

نشر تامر صورة من كواليس الإعلان، وعلق عليها قائلا:"يا نهار الشوق على أجمل ناس الصوره دي من تصوير اعلان جديد ليا بس تعنيلي كتير اوي ، عشان كدا حبيت اكلمكم عليها وبعد ما اخلص كلام هتتأكدوا انها تعنيلكوا انتوا كمان ،هحاول اختصرمن سنين كنت مكان الاطفال الجميله دول بدرس الموسيقى هنا في الكونسير ڤاتوار و لما كان يدخل علينا فنان مشهور كنا بنفرح اوي و بيبقى عندنا حالة ذهول و كنت بقول يارب في يوم من الأيام أكبر وأنجح و ادخل نفس الدخله دي و انا فنان مشهور و اشوف نفس النظرة الجميلة دي في عيون التلاميذ و الأستاذة.

 

وتابع قائلا :"الحقيقه اني لما دخلت عليهم شفت نظره أكبر بمليون مره من اللي حلمت بيها ، نظرة حب و بكاء و مثل أعلى و اسأله كتير منهم عن مشواري و فضلت يوم كامل أثناء التصوير بحكيلهم وبشجعهم، و اتمشينا

في كل مكان جوه المعهد درست فيه ولعبت فيه".

وختم حديثه بـ "هقول حاجة و كل واحد يقيسها على مجاله، أكتر حد فيكوا هيحب النظرة و المعنى اللي في الصورة و هيتمناه وهيتعب له، هو أول واحد هيوصله بس كدا .. نهاركم جميل زيكم".

 

اقرأ أيضا..موعد) حلقة تامر حسني مع جيهان عبد الله على إذاعة "نجوم إف إم)"

 

يذكر أن تامر قد ظهر أخيرًا لجمهوره، من خلال لقاءه الإذاعي مع الإذاعيةجيهان عبد الله في برنامجها "أجمد 7"، عبر راديو "نجوم إف إم"، بمناسبة عيد الحب، وشهدت الحلقة تفاعل كبير بين تامر وجمهوره أثناء عرض الحلقة التي تحدث فيها عن كواليس أعماله الفنية على مدار مشواره الفني، بالإضافة إلى بعض مشاريعه الغنائية الجديدة.