أنا نفسي أبقى رئيس
أنا نفسي أبقى رئيس وأرشح نفسي وهيص
والفضائيات تطلبني في برامج التهليس
وأعيش في الدور واتهنى وأتعلم التهجيص
واتحزم وأرقص بلدي وأكذب على أهلي بلدي
وكتر في الدولارات وهرب مليارات
أنا نفسي أبقى رئيس وأرشح نفسي
ووزع في الأراضي لأولادي وللمحاسيب
وأعمل نظام توريث للحكم علشان أعيش
ومراتي تبقى الأولى على مصر كلها
ودوس على المعارضة واسحق الثوار
وخصخص المصانع وخرب العقول
أنا نفسي أبقى رئيس وأرشح نفسي
وأعمل من الوطنية كوسة ومهلبية
والغاز في الأنابيب يوصل لتل أبيب
وفيش الهوامش وبلبع البلابيع
أصبغ شعري في ألمانيا والبدلة من إيطاليا
أتعشى كمان في باريس واتدلع وأبقى عريس
أنا نفسي أبقى رئيس وأرشح نفسي وهيص
أمريكا مأمريكان وأنا أحب الأمركاني وأنا أنفذ امركا
معونات الحاج سام اشايلها فوق دماغي
أحولها لدولارات وافتح لها حسابات
في سويسرا وبنك شائي وإن قالي في يوم هات
أديله حي شبرا وإمبابة والكيت كات
أنا نفسي أبقى رئيس وأرشح نفسي
وتريس ماريسة وأبيع القضية
والدول العربية وأنسى معها القومية
والوحدة الوطنية واعملي تمثال طين
وسط ميدان التحرير ولبسة حرير في حرير
ووقف جنبه غفير يحرسه من التغيير
ويبخر كل شوية ببخور ومستكى
أنا نفسي أبقى رئيس وأرشح نفسي وهيص
أطبع العلاقات وأهمش السياسات
وأمن إسرائيل من كل المواطنين
وغزة تيجيها غزة وتحيا أورشليم
أجوع شعب مصر واستورد قمح مسرطن يموت أهلها
وشبابها يموت غريق في بحر حبها
يعيش عاطل وفاشل بعيد عن حضنها
ألوث نيل بلدنا واهلك زرعها
احكم طول حياتي أنا وابني ومراتي وورث حكمها
أنا نفسي أبقى رئيس أرشح نفسي وهيص
كلمات الشاعر
مصطفى أمين
عضو لجنة حزب الوفد