أطفال مستشفى المنصورة الجامعي يستغيثون من الزحام الشديد على شباك التذاكر

حالة من الغضب والاستياء عبر بها أهالى محافظة الدقهلية الذين يتوافدون مع بزوغ نهار كل يوم أملين في تلقي أبنائهم العلاج داخل مستشفى الأطفال الجامعى بالمنصورة والتى تعد من أهم المستشفيات لعلاج الأطفال فى مصر فمنذ الخامسة صباحا يتوافد المئات من أهالي المرضى من الأطفال لحجز دورهم فى الطوابير الممتدة أمام شباك التذاكر الذي  يشهد زحاما شديدا وتدافع من قبل المواطنين لحجز تذكرة للكشف داخل إحدى عيادات المستشفى.

وفي البداية يقول، محمود إبراهيم  والد أحد الأطفال الذي يتردد كثيرًا على المستشفى أنه ينتظر من الساعة الخامسة الفجر مع الناس منتظرين على شباك قطع التذاكر لمستشفى الأطفال والشباك بيفتح الساعه 8 لحد هنا عادي وكويس ولكن  الست هانم المسئولة بدأت فتح شباك التذاكر وأوضحت انها مش هتقطع تذاكر الا الساعه 8 وربع قولنا مفيش مشكلة  مجتش من ربع ساعة مع اننا واقفين بقالنا ساعتين واكتر ولو حد سالني ليه هقوله عشان التذاكر محدود ة ماشي فتحت الشباك وبدأت بقطع التذاكر وكان العدد  خمس تذاكر وأغلقت الشباك في وشنا وقالت التذاكر خلصت.فقلت لها . خلصت ازاي.. قالت العدد النهارده خلص.

ويكمل أسامة شلبي الطابور لآخر الشارع والناس واقفة  والاطفال بتموت وطفله مريضه ومحتاجه تكشف ضروري كان الرد واحد انه التذاكر خلصت  بدات اسال هوه المفروض عدد

التذاكر كام يا جماعه في ناس قالت 23 تذكرة وفي ناس قالت 25 تذكرة  طيب بالنسبه الموظفة  قطعت 5 تذاكر بس الباقي راح فين... طبعا كلنا عارفين المعارف والأصحاب والقرايب واللي واقفين ساعتين عادى يعنى  داهية  والأطفال واقفين لو متعبوش من الشمس ولا من الزحمه شوف هيتنقلهم ايه في زمن الكورونا و اطفال صغيرين بدانا نحاول نتكلم طبعا الرد باسلوب متعجرف وكأن العلاج ليس حق لأولادنا   قيل لنا توجهوا  لمسئول العلاقات العامه بالمستشفى الذى وقف يتحدث معنا  من خلف  بوابه حديد وقال لنا  مفيش في ايدي حاجه والتذاكر خلصت.. فين المسئولين يشوفوا باقي التذاكر دي بتروح فين وأرواح الأطفال النهارده اللي كانت محتاجه  نقل دم دي ذنبها إيه.

وناشد أهالي محافظة الدقهلية الدكتور أشرف عبدالباسط رئيس جامعة المنصورة التدخل وإصدار أوامره بزيادة منافذ التذاكر رحمة بهم وبالأطفال المرضى.