شوادر المانجو....لوحات فنية مفتوحة بمداخل الاسماعيلية
على قارعة الطريق وبمداخل الإسماعيلية تنتشر شوادر المانجو الاسمعلاوي والتي بدأت بشائرها تطرح بالأسواق ...فروشات المانجو بألوانها المختلفة وأحجامها المتنوعة تبدو كلوحات فنية تزين مداخل مدينة الإسماعيلية على طريق القاهرة الصحراوي يتوافد عليها المسافرين يومياً لشراء إختياجاتهم من المانجو .
ويقول أحمد مجدي 45 سنة "إبتداءا من شهر يوليو نبدأ في تجهيز الفروشات تزامناً مع بدء بشاير محصول المانجو وتستمر الشوادر منصوبة تواصل الليل بالنهار حتى منتصف شهر سبتمبر من كل عام " ويضيف "حركة البيع هذا العام لاتزال راكده بسبب ارتفاع الأسعار عن العام الماضي وانخفاض الإنتاج "وتوقع ان تشهد حركة البيع زيادة في معدلاتها مع اول شهر أغسطس .
عشرات الأمتار تفصل بين فروشات الباعة على الطرق و الممتلئة بأنواع المانجو المختلفة وألوانها المتنوعة.
وتقول نبوية عتمان 41 سنة "من العام للعام ننتظر موسم المانجو لان فيه الرزق الواسع .انا وزوزجي واولادي بنقضي الصيف كله هنا في الشادر ونتناوب على بعض في ساعات الليل ."وتابعت " رص المانجو في بوكسات بيكون له تنظيم محدد .بنراعي فيه ان كل بوكسة معروضة تكون موحدة في نوعها ولونها عشان تلفت نظر المسافرين "على طول طرق الإسماعيلية القادمة من والمتجهة إلى بورسعيد والقاهرة والسويس والزقازيق تنتشر الشوادر .. محاولات يائسة لمحاربة الركود والكساد الذي يعاني منه تجار ومزارعو المانجو هذا الموسم .
وقال سعد حسن بائع مانجو "بناخد سعر كيلو المانجة من الفلاح ب 15 جنيه .الفلاح رافع السعر لان الانتاج السنة ده ضعيف والفلاحين بيحاولوا يعوضوا جزء من خساراتهم واحنا بنتحمل تكلفة النقل اللي زادت 40% بعد العيد .وبنعرض المانجة الكيلو ب17 و18 و20 والناس ماشية تتفرج على المانجة ومحدش بيشتري .والبضاعة ممكن تبوظ وبنضطر نبيعها بسعرها وممكن نخسر فيها كمان "
وقال "مفيش سحب السنة ده على المانجة .والفلاح معذور أسعار الكيماويات والأدوية والاسمدة والجاز زادت وكله بيحمل على سعر المانجة .."وتابع "إحنا بنستنى الموسم ده من السنة للسنة عشان نفرج على ولادنا .لكن الموسم السنة ده جاي على الكل بخسارة ".
وتشتهر محافظة الإسماعيلية بزراعة أجود أنواع المانجو في مصر لطبيعة أرضها الرملية في زراعة أشجار المانجو .وتنتشر حدائق المانجو في مراكز الإسماعيلية وفايد والقنطرة غرب وشرق .وتصدر محافظة الإسماعيلية للدول العربية كميات من محصول المانجو ولب المانجو .
