نظف لسانك على الفيس بوك.. حملات لثورة مصر

الصفحه الاخيره

الاثنين, 28 فبراير 2011 14:18
كتبت- علياء ناصف:

أثارت حالة التراشق اللفظي وتبادل السباب والشتائم المنتشر على صفحات "الفيس بوك" والمواقع الإلكترونية استياء بعض الشباب الذين قاموا من خلال "الفيس بوك" أيضا بتدشين العديد من "الجروبات" التي تحث على نظافة اللسان والتحلى بالأخلاق الكريمة، مثل جروب "حملة نظف لسانك.......عايزين بلدنا خالية من الشتايم والألفاظ البذيئة".

وقدم القائمون على الجروب عدة استفسارت وعبارات إيجابية وبناءة بلغة الشباب للعمل على الوصول إلى قطاعات واسعة منهم وهى وفقا لما جاء على صفحة "الجروب":

أولا :في ناس متخصصة في الشتايم و الحاجات دي

طب انت الشتيمة في بقك زي اللبانة ليه؟؟؟

يعني لازم؟

يعني إنت ما ينفعش تنادي صاحبك غير لما تشتمه و تجيب السلالة كلها

ثانيا: فيه شباب تخصص يشتموا قدام

البنات

ميعرفش إن بكدة بيخدش حياء بنات مالهمش ذنب و والمفروض كشاب عاقل محترم تراعي مشاعر غيرك

ثالثا: لسانك حصانك

رابعا: انت و انت بتشتم مش ملاحظ

إن في أطفال حواليك

بيسمعوك و يقلدوك

عشان إنت بالنسبة لهم قدوة و أنت كبير و طبيعي جدا إن الصغير بيقلد الكبير

خامسا: هتستفيد إيه لما تشتم؟؟؟

سادسا: ما ينفعش تقول (أنا مش عارف أتغير)

الحجة نفسها ماتنفعش لأنك أصلا خلاص كبرت

يعني مفروض إنسان عاقل

ناضج

ليك مواقف و قرارات

واقترح مدشنو تلك الصفحة العديد من بعض الحلول الفعالة مستخدمين نفس اللغة البسيطة وهى الآتي":

حاول تقلل الشتايم واحدة واحدة بالراحة و لو تعرف تقطعها مرة واحدة

و عندك الإرادة اعملها.

حط تحدي قدام نفسك و قول (جرى إيه مش عارف تمنع كلمتين تافهين يخرجوا من بقك؟؟؟(.

خاف على شكلك ( ما ينفعش أشتم بألفاظ وحشة كدة الناس هتقول عليا لوكال و بيئة(.

الراجل بأخلاقه مش بشتايمه و كمية الألفاظ البذيئة اللي بيقولها فاخليك صاحب أخلاق تكون راجل بجد.

ساعة الغضب أمسك نفسك لإن في ناس ساعة الغضب تلاقي وابل من البذاءة نازل يرخ على ودانك.

ولا تعتبر حملة نظف لسانك هى الوحيدة على الفيس بوك، حيث تتسابق عدة جروبات أخرى منها، جروب "قبل ماتنضف شوارع مصر نضف لسانك وبلاش شتائم" يقول مدشنوه:

"ليه بنشتم ونهين الناس ؟؟ ليه مفيش احترام ؟؟ ليه دائماً فيه ألفاظ غير محترمة على صفحات الفيس بو ك؟؟ ليه الناس بتتخيل إن الشتيمة والسباب نوع من أنواع الموضة ؟؟".

وهكذا تتوالى حملات الشباب الإيجابية فى مصر لتحقيق شعار ثورة مصر وحقيقتها، البيضاء، الأخلاقية .

أهم الاخبار