تسجيل مسرب يكشف علاقة أبوالفتوح بالقرضاوى

الشارع السياسي

الأربعاء, 22 يناير 2014 21:33
تسجيل مسرب يكشف علاقة أبوالفتوح بالقرضاوى
كتب- مصطفى محمود:

عرض الإعلامى عبدالرحيم على، تسجيلا جديدا لمكالمة بين الدكتور أبوالفتوح والداعية الدكتور القرضاوى  ومهدى عاكف المرشد السابق لجماعة الإخوان، تحدثا فيه عن تحديد موعد للقاء القرضاوى لتناول الغداء خلال وجودة فى مصر أثناء ثورة يناير، وتؤكد المكالمة حالة التنسيق التى جمعت الإخوان المسلمين التى كان أبوالفتوح أحد أعضائها فى ذلك الوقت قبل استقالته من جهة والدكتور القرضاوى من جهة أخرى.

يذكر أن القرضاوى هو أكثر المدافعين عن جماعة الإخوان والرئيس المعزول فى الفترة الأخيرة ودخل فى صراعات عديدة دفاعا عنهم

جاء نص المكالمة كالتالى:

عرض الكاتب الصحفى عبد الرحيم علي، عبر برنامجه "الصندوق الأسود" الذى يُعرض الآن تسريبًا جديدًا يجمع بين المرشد السابق لجماعة الإخوان الإرهابية ونائب المرشد السابق،

والمرشح الرئاسى السابق عبد المنعم أبو الفتوح، جاء نصها كالآتي:

عبد المنعم أبو الفتوح : السلام عليكم يا أستاذ عاكف.

عاكف : وعليكم السلام ورحمة الله وبركاته.

عبد المنعم أبو الفتوح : ازى صحة حضرتك أنا عبد المنعم أبو الفتوح.

عاكف : أهلا أهلا  حبيبى ازى صحتك يا عبد المنعم.

عبد المنعم أبو الفتوح : الله يكرمك.

عاكف : أولًا طمنى على صحتك الغالية والله كنت لسه هكلمك عشان خاطر الشيخ القرضاوي.

عبد المنعم أبو الفتوح : ما أنا بتصل برضه علشان كده أنا اتفقت معاه بكره الساعة 11  واتصلت بالأخ محمد بديع علشان كانوا عايزين يغدوه

بكره.

عاكف : مين؟

عبد المنعم أبو الفتوح: اخوانا فى الإخوان واخونا بديع كان عايز يغديه بكره وحصل كلام بينى وبين بديع علشان الشيخ كان شايف إن مواعيده مش مظبطة وقلتله على كل حال إننا نروح نزور القرضاوى بكره الساعة 11 قالى الأخ عاكف بيجى هنا الأول وكذا  قلتله ما نوفر ونطلع على هناك على طول.

عاكف : يعنى أجى على الشيخ القرضاوى على طول آه وبعدين نبقى نروح.

عبد المنعم أبو الفتوح : أنا متفق معاه لسه يعنى على ميعاد الساعة 11 بكرة عند الشيخ القرضاوي.

عاكف : أنا هاجى على بيت الشيخ الساعة 11  ماااشي.

عبد المنعم أبو الفتوح : آه

عاكف : شكرا يا حبيبى شكرا يا أبو الفتوح ده أولا .. طمنى على صحتك.

عبد المنعم أبو الفتوح : ماشى الحال تمام الحمد الله.

عاكف : ربنا يديك الصحة الحمد الله جزاك الله خيرًا.

عبد المنعم أبو الفتوح: شكرًا السلام عليكم.

شاهد الفيديو:

https://www.youtube.com/watch?v=WZ06BxQMcok&feature=youtu.be

 

 

أهم الاخبار