سمر حمزة لاعبة المصارعة تعلن اعتزالها رسميًا
أعلنت سمر حمزة، لاعبة المنتخب الوطني للمصارعة، اعتزالها منافسات اللعبة رسمياً بعد وداعها لمنافسات دورة الألعاب الأولمبية "طوكيو 2020".
اقرأ أيضاً بـ"الوفد".. أولمبياد طوكيو.. منتخب سيدات تنس الطاولة يودع المنافسات
كتبت لاعبة المنتخب الوطني للمصارعة على صفحتها الخاصة بموقع التواصل "فيسبوك": تعالوا نحكي حدوتة صغننة كده هتعجبكم
سمر حمزة
بدأت مصارعة آخر ٢٠١٣
كان عندها 18 سنة
لعبت أول بطولة دولية ليها 2014 كانت بطولة أفريقيا أخدت فيها أول ومن بعدها لحد دلوقت أول أفريقيا اللي عمرها ما حصلت أصلًا في المصارعة النسائية إن بنت تاخد أول باستمرار وبالذات في الميزان 76kg
شاركت في بطولات دولية وحققت نتائج مستمرة
أول بحر متوسط 2015
تالت جائزة كبرى 2016
خامس بطولة بولندا المفتوحة
رابع دورة التضامن الإسلامي 2017
تم اختيارها من قارة أفريقيا وشاركت في دوري محترفين في الهند
أول بحر متوسط 2018
تالت دورت بحر متوسط 2018
لحد ما وصلت لقبل نهائي في بطولة عالم كبار وأول بنت مصرية توصل وتحقق خامس عالم كبار
المركز التامن في بطولة العالم تحت 23 سنة.
لحد هنا كان مجهود شخصي مع المدرب
نخش على الجزء الفاضل
تم عقد رعايهة من شركة روابط من 2019
شاركت في بطولة الجايزة وحصلت على برونز
تالت دورة الألعاب الأفريقية
2020 بح فاضية مفيهاش غير أفريقيا
2021 تاني بطولة التصنيف العالمي
المركز الأول في البطولةه المؤهلة وتأهلت للألمبياد
الميدالية البرونز في بطولة دانكلوف
الميدالية الدهب في بطولة الجايزة الكبرى
الميدالية الدهب في بطولة سارساري إيطاليا
كام معسكر سمر طلعته في عمرها ال من 2013 لحد دلوقت 4 معسكرات مديت المعسكر قد ايه عشر أيام
نشوف بقي ال بيلعبوا معانا!!!!!!!!
وعمرهم ف اللعبة والفكر والروح بتاعت المنظومة؟
أنا كسمر حمزة فخورة جدًا بالمصارعة النسائية في مصر. سعيدة ان المصارعة النسائية اصبحت على الخريطة العالمية، أنا ابتديت ألعب مصارعة من
شجعوا المصارعة النسائية عشان نربي جيل من البنات الصغيرين بفكر جديد وإمكانات أفضل وثقافة مختلفة، الرياضة مش بس ميدالية، دي سنين طويلة من الكفاح والشقا والتعب، مفيش شعور ولا وصف أوصف به التعب غير الكام كلمة دول.
اللاعب وظيفته في الحياة التدريب فقط ليس القيام بدور الأشخاص المسؤولين عن مسيرته الرياضية، شكرًا لكل حد وقف جنبي، شكرًا مدربي العظيم، شكرًا زمايلي اللي اتمرنوا معايا ومن هنا بأعلن إني باكتفي، شكرًا للتجربة علمتني كتير".
طالع أخبار الرياضة بـ"الوفد" من هنا..