لاعبو سيراميكا كليوباترا يدعمون هيثم شعبان بعد إقالته
حرص لاعبو فريق سيراميكا كليوباترا، على دعم هيثم شعبان المدير الفني السابق للفريق بعد إعلان إقالته من قبل إدارة النادي.
وكتب شادي حسين عبر صحفته على موقع "انستجرام" : “كابتن هيثم شعبان بشكرك على 3 سنين قضيتها معاك شوفت فيهم كل حب و احترام و كل حاجة حلوة ، اتعلمت منك حاجات كتيرة جداً جوة و برة الملعب كنت اخ اكبر ليا قبل ما تكون مدير فنى. بتمنالك من كل قلبى التوفيق و النجاح فى الخطوة اللى جاية انت و حهازك المعاون المحترم”.
في المقابل أشاد وليد عبد المنعم بمديره الفني السابق قائلًا: “احسن مدرب في مصر اتعلمت منك تقريبا كل حاجة في الكورة مشفتش حد بيجتهد وبيشتغل زي ما حضرتك بتشتغل مشفتش حد بيطور من نفسه وفرقته زي ما انتا بتعمل ربنا يكرمك علي قد اخلاصك
وكتب محمود بلبل قائلا: "كابتن هيثم شعبان كل الشكر على الفترة القضيتها مع حضرتك من احسن فترات حياتي في الكورة اتعلمت منك حاجات كتيرة خارج وداخل الملعب كنت اب واخ وصاحب لينا كلنا .. بتمنالك كل التوفيق والنجاح المتعودين عليه في الخطوة الجايه انت وجهازك المعاون.
وأعلن سيراميكا كليوباترا صباح اليوم، توجيه الشكر لهيثم شعبان والاكتفاء بالمدة التي قضاها على رأس القيادة الفنية للفريق.