أمير عزمي مجاهد يكشف كواليس التعامل مع كارتيرون في الزمالك

تحدث أمير عزمي مجاهد مدرب الزمالك السابق عن كواليس التعامل مع الفرنسي باتريس كارتيرون المدير الفني السابق للفريق الأبيض.

 

إقرأ أيضاً.. فيريرا للاعبي الزمالك: ماكنتش بدخل رئيس النادي الملعب

 

وقال أمير عزمي في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "اوقات كان كارتيرون ذكي في التعامل مع اللاعبين وأوقات لا".

وتابع "أنا مش بحب اتكلم عن مدير فني اتعاملت معاه، البعض كان بيسال ليه مش بنتدخل في القرارات الفنية، انا في منصب مدرب مش مدير فني".

وأضاف "ممكن تقوله اقتراح لكن لو هو لم ينفذ ده هتعمل ايه؟ في اوقات كنت بقول وجهة نظري ولكن كان له وجهات نظر تانية وانا مش مقتنع بيها لكن هو صاحب القرار".

وواصل أمير "مش كتير انه كان لينا أراء فنية وينفذها، لما قعدت معاه اول مرة، قولتله انا عملت مع مدير فني كتير كريستيان جروس، وهو كان عارف ده، قولتله انا جاي اساعد وانجحك مش جاي اضايقك، كارتيرون وقتها اكد ان الكلام الي بيتقال انه رافض مدربين مساعدين غير صحيح".

أمير عزمي: الزمالك يحتاج 9 صفقات على الأقل

من ناحية أخري يرى أمير عزمي مجاهد أن

الفريق في حاجة لإبرام 9 صفقات جديدة على الأقل لتدعيم الفريق.

وواصل" "عندنا ازمة كبيرة في نادي الزمالك في مركز 6 ومركز 8". وتابع "مع وجود بعض اللعيبة مش هقول ميلعبوش في الزمالك، بس في لعيبة ممكن تكسر الدنيا في اي نادي لكن في الأهلي والزمالك الموضوع مختلف".

وأردف: "الزمالك محتاج تدعيم كبير جدًا، الفريق محتاج مش أقل من 9 صفقات في الانتقالات القادمة".

وتابع: "لازم يكون في فئات في العقود، لازم يكون في 3 فئات، فئة دولية وفئة لاعب كويس لكن مش دولي، وفئة أقل حاجة".

وأتم: "لازم يكون في سقف رواتب في الفريق، لو انا حاطط اعلى عقد بمبلغ وانت ميسي هتيجي تاخد أعلى عقد عندي مش هزود عليه".

 

لمتابعة المزيد من الاخبار بقسم الرياضة اضغط هنا