فيديو.. عمرو أديب: خطوة واحدة يمكن للدولة اتخاذها لمواجهة غلاء الأسعار

 أكد الإعلامي عمرو أديب؛ أن هناك خطوة وحيدة يمكن أن تتخذها الدولة من أجل خفض الأسعار التي ارتفعت بشكل كبير خلال الفترة الماضية، وهي محاربة الاحتكار.

 

اقرأ أيضًا...

 

 وقال أديب خلال برنامج "الحكاية"، المذاع على قناة "أم بي سي مصر": "الغلاء اللي ماشي دلوقت مش بتاع الحرب؛ غلاء الحرب لسة جاي".

 وأضاف: "قبل ما أقول للدولة خفضي وأعملي تسهيلات؛ هل علبة اللبن اللي زادت النهارده بعد ما الحرب تخلص هتنزل تاني؟ كيلو المكرونة السايبة زاد 3 جنيهات، هل هتنزل تاني؟".

 

 وتابع: "العيش السياحي زاد ربع جنيه لو مش هينزل تاني أقول للدولة قللي أو اعملي واحنا عارفين في مصر أن اللي بيطلع مش بينزل".

 

 وأردف: "حاجة واحدة بس الدولة تعملها لحل المشكلة وهي ضرب الاحتكار لو في اتنين تلاتة ماسكين السلعة في السوق تضربه الدولة ودا دورها بالقانون أنك متسمحش لحد يتحكم في سعر".

 واختتم: "كان في خناقة كده كنت طرفًا فيها؛ لما أسعار الفراخ زادت جامد والدولة قالت هجيب فراخ من البرازيل؛ وطلعت الناس وقعدت تقول في 20 مليون بيشتغلوا في الصناعة دي وفجأة أسعار الفراخ نزلت".

للمزيد من أخبار الميديا اضغط هنا