(فيديو) محمد سامي: "مي عمر تتعرض للهجوم بسببي.. وبقيت أتعامل معاها كمحترفة"
قال المخرج محمد سامي، إن الفنانة مي عمر زوجته، تتعرض للهجوم بسببي، معلقًا: "ده بسبب وجودي، الناس من الأول قالوا إن مي نجحت عشان جوزها، ومفيش حاجة اسمها كده، ومسلسل لؤلؤ كان بطولة مطلقة ليها ونجح في الوطن العربي كله، والناس اللي بتكتب على السوشيال ميديا حاجات كتير بتبقى حاجات لناس وناس حقيقية بس عاوزة تكون مكاننا".
فيديو.. مجدي عبدالغني: "الهبد" هو اللي عمل رضا عبدالعال
وأضاف سامي، في حواره مع الإعلامية بسمة وهبة مقدمة برنامج "العرافة"، الذي يعرض عبر شاشة "المحور": "وبالنسبة للتعامل معها في اللوكيشن، فقد تعاملت معها بشكل مختلف من كل فترة لأخرى، فقد كانت تظهر 10% من قدراتها أمام الكاميرا وكنت أنفعل جدا، لأنها كانت تؤدي في البروفات بشكل أفضل، وهذا كان يرجع إلى انعدام خبرتها".
(فيديو) محمد سامي: محمود الجندي أكثر ممثل صادق وقف قدامي
وتابع: "حبي لها كان مخليني غيران عليها، وعاوزها تبقى أحسن حد، لأنها مراتي حبيبتي، وبالتالي كنت ببقى قاسي عليها جدا كنت بوترها جدا وبتعامل بطريقة غلط جدا وأزعق لها وأقول لها يا بنتي، وزمايلني كانوا يقولوا لي بالراحة عليها هي لسه بتدأ، وبعد شوية الانفعال بقى يجي من منطقة تانية، ولما بقت شاطرة وبقى عندها خبرة الموضوع اختلف، ولما بقت نجمة بقيت أفرمل نفسي".
وواصل: "مرة كنا في باريس قالت لي جملة ضايقتني أوي، مش بتاخد بالك إنك
ورد عليها محمد سامي قائلا: "لأ طبعا متقدرش تمشي وتسيب اللوكيشن وده عشانها ومش عشاني، وعموما أنا رديت عليها وقلت لها أنا خايف عليكِ وعاوزك تبقي كويسة، لكن هي قالت لي انت خايف على الباقيين ومش بتتعامل معاهم زيي، ومن اليوم ده بقيت أتعامل معها بطريقة مختلفة، وخاصة دلوقتي بقيت أتعامل معاها باحتراف وزيها زي كل الممثلين .. هي إنسان محترف أوي وشاطر".
ويعد برنامج "العرافة" امتدادا لبرامج بسمة وهبة الرمضانية والتي تعتمد على كشف أدق تفاصيل النجوم وخباياهم وإظهار الوجه الآخر لهم، مما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للفنانين.