"أمهات مصر": لم نرَ تطويرًا حتى الآن في الثانوية الجديدة

 قالت عبير أحمد، مؤسس اتحاد أمهات مصر للنهوض بالتعليم، إن الاتحاد رصد مجموعة من الشكاوى والمعوقات التي واجهت أولياء أمور وطلاب الصف الأول الثانوي، المطبق عليهم نظام الثانوية العامة الجديد.

 

 أضافت أحمد، أن أبرز المعوقات تمثلت في عدم شعورهم بأي تطوير ملحوظ وملموس حتى الآن، ولم يتم تدريب الطلاب على نظام الامتحانات الجديدة، مشيرين إلى أن الشرح في المدارس بالنظام القديم كما هو، إضافة إلى جعل المواد ممتدة طوال العام، وهو ما يمثل عبئًا عليهم، وزيادة الدروس الخصوصية لعدم استيعاب وفهم الطالب للشرح داخل الفصل.

 

 وناشدت أحمد وزارة التربية والتعليم بسرعة العمل على معالجة جميع المعوقات التي تواجه أولياء الأمور، لرفع المعاناه عنهم، ومن أجل انضباط العملية التعليمية، ونجاح نظام التعليم الجديد.

 

 وتفاعل أولياء الأمور على صفحة اتحاد أمهات مصر للنهوض بالتعليم في الفيس بوك، حول أبرز المعوقات التي واجهتهم منذ بداية العام الدراسي، وحتى الآن، خصوصًا طلاب الصف الأول الثانوي، المطبق عليهم نظام الثانوية الجديدة، حيث قالت ولي أمر: "المشكلة إن المدرسين في دنيا تانية ومش فاهمين حاجة أصلًا علشان إحنا نعرف ومريحين نفسهم خالص من موضوع الشرح، بيقولوا عناوين واقلب الدرس مش بيشرحوا حتى بربع كفاءة، أي مدرس بيدي في أي سنتر، والمشكلة مش كثافة أبدًا، بدليل إننا بنلاقي أي مستر في سنتر بيشرح ويقدر يوصل المعلومة، على رغم العدد الهائل اللي موجود في القاعة على إجماع الطلبة، فيا حضرة الوزير إذا سمحت لما اجي اطور التعليم من باب أولى أهيئ وأدرب المدرس وأعلي مستواه ويكون في متابعة ومراقبة عليه، ويأخد بشكوى الطلاب عندما يوجد معلم لا يؤدي دوره على أكمل وجه، وعدم وجود ضمير أو بيشرح على اد فلوس الحكومة، زي ما في منهم بيقول، والله لو قبض بالدولار مفيش فايدة، ده طبع، لأنه السبب في فشل كل المنظومة دي".

 

طبعًا أنا مش بعمم، إلا من رحم ربي، أكيد في مدرسين محترمين وعندهم ضمير، لكن للأسف أقلية، أصبحت المدرسة تضييعًا لوقت ومجهود الطالب، وبقت عبئًا عليه مش العكس، للأسف، وبعدين طريقة الامتحان اللي محدش عارف عنها حاجة دي إيه، ولا التابلت اللي الوزير صرح إن الطالب هيستلمه من أول يوم، ده فين؟! كمان موضوع العلمي علوم ورياضة اللي حيتلغي ده ليه، يعني ايه هدفه؟".

 

وأضافت ولي أمر أخرى: "مفيش شغل في

المدارس إطلاقًا، لا يوجد أي تطوير، أين تدريب الطلاب على الامتحانات الاونلاين؟ أين تعويد الطلاب علي امتحانات الـopen book.

 

ونظام التعليم كما هو، ولا يوجد أي شغل في المدارس مع ضرورة الالتزام بالحضور، ودروس في كل المواد، ولا يوجد وقت للطلبة للمذاكرة"، واستكملت أخرى: "احنا لغاية دلوقتي الشرح في المدارس بالنظام القديم لا جديد سوى أنهم أخبروا الطلبة بأن في امتحانين في الترم، والطلبة مرهقة ومش ملاحقين الدروس".

 

 وذكرت ولي أمر: "دي كل السنة معوقات، مواد ممتدة، دروس في كل المواد، مفيش وقت للمذاكرة، مدرسين مبيشرحوش، لأنهم عارفين إن كل الطلبة بتاخد دروس، إضافة إلى أن النظام الجديد اللي محدش فاهم فيه حاجة ولا حتى المدرسين!!"، وتابعت أخرى: "هو فين النظام الجديد، إحنا ماشيين على قديمه، والمناهج هى هى بغبائها، ومعالى الوزير هيعمل أسئلة تقيس الفهم، طب إزاى وانت مغيرتش المناهج ومطورتش المدرس، كله ماشى على الحفظ وأسلوب الدراسة العقيم اللى بيكره الطالب فى المدرسة، والتعليم وعبء الدروس زى ما هو، غير إن المدارس الحكومية حالها يرثى لها".

 

 قالت ولي أمر: "مواد كتير مفيش وقت للمذاكرة، دروس في العادي على النظام القديم، مصاريف مش في الحسبان، كتب خارجية بمبالغ مرتفعة، حضور المدرسة بلا فائدة، المدرسين بدون شرح، وقراءة من الكتب بس، لو رسب الطالب في مادة بعيد السنة، يعني بيحطم الطلاب، أولياء أمور بتكلم نفسها"، وأضافت أخرى: "والله كلمه نظام جديد دي حرام، مفيش أي حاجة جديدة، والمدرسين مفيش شرح، وكله مستني مفاجأة الامتحان اللي محدش يعرف عنه حاجة".