رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

عدلي منصور يتصدر تريندات "جوجل" بعد حديث السيسي عنه

أخبار وتقارير

الجمعة, 08 نوفمبر 2019 17:39
عدلي منصور يتصدر تريندات جوجل بعد حديث السيسي عنهعدلي منصور
علي عبد العزيز

تصدر الرئيس السابق عدلي منصور، تريندات مواقع التواصل الاجتماعي، وموقع البحث العالمي "جوجل" بعد حديث الرئيس عبدالفتاح السيسي، عن محاولته إقناع الرئيس السابق عدلي منصور بالترشح لانتخابات رئاسة الجمهورية عام 2014.


جاء ذلك في كلمته بالاحتفال بذكرى المولد النبوى الشريف، الخميس، في مركز المنارة للمؤتمرات الدولية.


وقال السيسي: "اتحايلت على الرئيس عدلي منصور شهورًا إنه يترشح وأنا في مكاني زي ما أنا وزير دفاع، أنا بقول الكلام دا وأنا عارف إنه ممكن يِزعل الرئيس عدلي، بس بقولها علشان تعرفوا إن الكل زاهد فيها لإنه تحدي كبير سواء

دنيا أو دين عند ربنا يوم القيامة".


وأضاف: "قولتله من فضلك سنة عدت، واترشح تاني وأنا مكاني وهعمل كل اللي يتعمل لأجل خاطر مصر وخاطرك، قالي لا يمكن؛ كده تمام وكفاية كده، والحكاية مش حكاية رئيس أو نظام، على الأقل مش موجود عندي إن شاء الله، بل هي قضية بناء أمة والدفاع عن مصر وحمايتها، والجري بأقصى ما يمكن علشان نحطها في مكانة تليق بيها".


وتابع الرئيس: "الناحية التانية مواجهة الشر

وأهله لأني مش هنسى الشر وأهله، لا دلوقتي ولا من سنين طويلة فاتت، بالمناسبة من سنين طويلة والناس اللي تعرفني إني عمري ما كدبت حتى وأنا موجود في المكان اللي بيقولوا عليه أهل السياسة محتاج لوع، مفيش الكلام من دا، والنبي كان كده في إشارة إلى الصدق والاستقامة ونجح".


ولد عدلي محمود منصور في  23 ديسمبر 1945، رئيس المحكمة الدستورية العليا في مصر، كان رئيسا مؤقتا لجمهورية مصر العربية لفترة انتقالية، نتيجة مظاهرات ضد الرئيس الراحل محمد مرسي.


وأعلنت القوات المسلحة تعطيل العمل بدستور 2012، ونصب عدلي منصور رئيساً مؤقتاً باعتباره رئيس المحكمة الدستورية، وذلك بعد الاتفاق مع بعض القوى الوطنية  المعارضة لحكم محمد مرسي على خارطة طريق جديدة للبلاد.

 

أهم الاخبار