خد كل حاجة وسيبلي العربية| السقا يروي موقفًا غريبًا مع سائق ميكروباص ظنه لصًا (شاهد)

قال الفنان أحمد السقا، إنه لا يتكبر في تلقي التعلم حتى لو كان ذلك من جيل أصغر منه كثيراً، مردفًا: "أتعلم من أي أحد حتى ولو كانوا أصغر مني بكتير وببقى مهتم أتعلم منهم وفي ساعات بشوف تفاصيل بتبهرني .. ومش مكسوف ابداً أني ابدي إنبهاري بأحد وكأنه نجم مشهور وأنا طفل صغير أو من الجمهور بقله كنت عظيم وببقى عاوز أصفق له".

 

اقرأ أيضًا.. محمد الباز عن تصريحات السقا حول تاريخ السينما: نحتاج نجومًا أكثر وعيًا وثقافة (فيديو)

 

وواصل  خلال حواره مع الإعلامية لميس الحديدي، في لقاء خلال برنامج "كلمة أخيرة" الذي تقدمه على شاشة " ON"، قائلاً: "ببقى سعيد جداً لما بشوف حد مجتهد قد أكون من أقل الناس موهبة لكني أزعم أني من أكثر الناس اجتهاداً".

 

من جانبها، روت الإعلامية لميس الحديدي عن واقعة حدثت قبل تصوير اللقاء عندما كانت تتناول كوباً من القهوة في أحد الكافيهات قبل وصولها برفقة الفنان أحمد السقا إلى موقع التصوير فقابلا مجموعة من السيدات اللائي أشدن بالفنان أحمد السقا قائلة، : "السقا وقف مع الناس وقلع النظارة وسلم عليهم".

 

 

أفضل ركوب الميكروباصات في الشتاء لأراقب الناس وأحاديثهم

 

ووجهت سؤالاً للسقا، قائلة: "فكرة التواضع جاية من نصيحة والدك التي ذكرتها في كلمتك في المهرجان"، ليرد السقا، قائلاً : "أنا سواقين التاكسي في مصر كلهم اصحابي مش بحب السواقة مش بسوق غير في الطريق المباشر بحب أركب تاكسي وأخد وأدي وأحيانا أقسم بالله بركب ميكروباص بالأخص في فصل الشتاء عشان أشوف الناس بتتكلم ازاي ومخارج الحروف عندهم عشان أحطها في الدرج وأحتاجها في يوم من الأيام لو قعدت مع نفسي بين أربع حيطان ممكن أخرج ألاقي الدنيا اتغيرت ولا أواكب الناس".

 

خد كل حاجة وسيبلي العربية| أحمد السقا يروي موقفًا غريبًا مع سائق ميكروباص ظنه لصًا

 

وتطرق أحمد السقا إلى الحديث عن موقفين غريبين خلال ركوبه ميكروباص

ب في فصل الشتاء، قائلاً : "مرة في الشتاء وكانت دقات الساعة تشير إلى الثانية بعد منتصف اليل وكنت عاوز أنزل ومش عايز أسوق ولا حد يسوقلي نزلت من البيت وأنا ساكن في الصحراوي وكانت الدنيا (هو) واستوقفت ميكروباصاً وكنت مش حالق دقني ولابس (كاب)"

 

وتابع : "وقفت ميكروباص وقلتله نزلني مشعل في الهرم بالقرب من نزلة السمان عشان أكمل بتاكسي وأوصل منطقة سقارة في الإسطبل بتاعي".

 

أكمل : "ركبت كنبة كان فيها شباب شكلهم (نوش) سمعتهم بيقولوا لبعض شكله حكومة ياض.. نعمل إيه قالوا لبعض ننزل الإشارة الجاية أفضل وبالفعل نزلوا ولم يتبقى سوى أنا والسائق فسألته : أخرك إيه قلي محطة مشعل".

 

واستطرد: "فطلبت منه بذوق شديد أن يكمل بي الطريق صوب الجبل نظير حصوله على مايطلبه من المال ففاجئني برد فعله، قائلاً : أبوس إيدك خد أي حاجة ما عدا العربية".

\

وأردف : "قلتله أنا مش حرامي أقنعته وخلعت الكاب وعرفني وقعدت تلت ساعة أقنعه إني أحمد السقا وأخدته وصلينا الفجر سوا وشربنا شاي"، مردفًا بنبرة ساخرة: "لما بلبس الكاب بيبقى شكلي هجام شوية".

 

اقرأ المزيد:

رسميًا| أحمد السقا في "الاختيار3"

شاهد| انهيار أحمد السقا وزوجته خلال فاعليات مهرجان الجونة السينمائي

 

للمزيد من أخبار قسم الميديا اضغط هنــــــــــــــا