محمد موسى يهاجم حمو بيكا: "أنت فاكر نفسك في عركة بلدي ومفيش قانون"

شن الإعلامي محمد موسى هجوما حادا على مغني المهرجانات حمو بيكا بسبب العديد من أعمال البلطجة والتي كانت آخرها عندما تداول رواد مواقع التواصل الاجتماعي مقطع فيديو يظهر به مشاجرة جديدة بين مطربي المهرجانات حمو بيكا ونور التوت وأصدقائهما مع بعض الشباب بمنطقة الساحل الشمالي عند بوابة " مارينا 5 ".

وأضاف محمد موسى خلال تقديم برنامج "خط أحمر" على قناة الحدث اليوم، : "المنظر ده عبارة عن بلطجة علنية وفي وضح النهار لما واحد زي ده ينزل من عربيته ويتخانق مع ناس تانية وينضح بأبشع الشتايم أمام الناس .. الحقيقة عايز أفهم الناس ذنبها إيه تسمع هذه الشتائم وتشوف المناظر دي .. هو أنت وهو فاكرين نفسكم في عركة بلدي ولا متصورين البلد دي مفيهاش قانون يحمي الناس من أرفكم ... أنا بجد بسأل الناس دي متسابه إزاي كدة يعني مش كفاية التلوث السمعي اللي مسمم الذوق العام اللي علي اليوتيوب بتاعهم كمان هتلوثوا ودان الناس في الشوارع بخناقاتكم .. أيه القرف اللي بيحصل ده".

وتابع الإعلامي محمد موسى، "الحقيقة في سؤال مهم إزاي العربية دي بتاع الأخ اللي اسمه بيكا ده واقفه أمام بوابة مارينا وبأي صفة .. ناهيكم عن إنكاره أنه كان موجود بالخناقة رغم أنه .. أهو في الفيديو بيسب ويلعن الناس اللي بيتخانق معاهم بأفظع الشتايم .. مهو له حق يعمل كده مش نقابة المهن الموسيقية سيباه يسمم أذانا علي اليوتيوب باللي بيقدمه .. فلازم يصدق كذبته بأنه مطرب .. مطرب إيه وبتاع إيه أنت أساسا ملكش علاقة بالفن ولا من قريب ولا من بعيد .. ارحموا أبونا شوية منكم قرفتونا وكرهتونا في كل حاجة .. أنا بناشد السيد المستشار النائب العام بالقبض علي هذا المغني بتهمة تكدير السلم والأمن للمواطنين".