شاهد.. ابنة شهيد بالداخلية: لازم نكمل مسيرة اللي ضحوا علشان البلد تعيش

قالت دينا عاطف فتحي الإسلامبولي، ابنة الشهيد عاطف فتحي الإسلامبولي مفتش مباحث الجيزة السابق، إنها ابنة بطل من أبطال الشرطة المصرية الباسلة، والدي استشهد في 1/4/ 2015، وإنها متذكرة هذا اليوم جيدا.

وأوضحت "دينا"، خلال كلمتها في حفل تخرج دفعة جديدة من طلاب كلية الشرطة، بحضور الرئيس عبدالفتاح السيسي، اليوم السبت،: "أنا عمري ما هنسى اللحظة اللي عرفت فيها إني هكمل حياتى مين غير بابا، يعني خلاص مش هشوف بابا تاني خلاص اتحرمت من إني أقول كلمة بابا تاني، لكن زي ما كان بابا مشرفني في حياته ساب ليا أكبر وسام باستشهاده، أنا فخورة إني بنت الشهيد البطل".

وبعثت دينا رسالة إلى كل بنت شهيد "بقول لكل بنت شهيد خليكي

دايما فخورة مش مكسورة، الفراق صعب ومفيش حاجة تعوضنا عن حضن الأب، لكن إحنا كمان لازم نكون زيهم نبني ونعلي في بلدنا ونربي ولادنا على حبها، ودلوقتي أنا واقفة قدامكم فرحانة بتخرج علاء أخويا اللي صمم يكمل مسيرة بابا ويدخل كلية الشرطة، وبعد اللي شوفته النهاردة من عزم وإرادة تأكدت إن دم بابا مرحش هدر.. راح علشان كلنا نعيش مطمنين، وطول ما إحنا شعب وشرطة وجيش متماسكين هنكمل المشوار وهنجني الثمار".

شاهد الفيديو..