فيديو.. أسامة كمال: دور الإعلام لفت نظر المسؤولين للسلبيات والإيجابيات

بدأ الإعلامي أسامة كمال، حلقه اليوم قائلًا: "إِنْ أُرِيدُ إِلا الإِصْلاحَ مَا اسْتَطَعْتُ وَمَا تَوْفِيقِي إِلا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ"، مضيفا هذه هي الجملة التى قالها سيدنا شعيب لقومه. 

 

ووجه "كمال" خلال برنامجه "مساء dmc"، اليوم الثلاثاء، رسالة للمشاهدين قائلا" "أقدر أقول إن الاعلام مستحيل يقدر يلعب دور أكتر من إنه يلفت النظر للإيجابيات والسلبيات ويضعها امام صاحب القرار فى أى مستوى من مستويات اتخاذ القرار".

 

وتابع: "فى كل الحالات احنا بنجتهد وبنحاول فعلا وبكل جهد نقف فى المكان اللى بأشوف فيه مصلحة البلد وليس فقط مصلحة الافراد، واللى بيقول أننا فقدنا الثقة لمجرد إنى حاولت بدل

المرة عشرة إنجز موضوع بعينه وأقصد هنا سوق المنهل فى مدينة نصر ومشكلة القمامة والمخدرات فى المكان".

 

واستمر الإعلامي في الحديث قائلًا: "وقفنا فى الموضوع وأتكلمنا مع رئيس الحى والأمن نزل مرة واتنين واتشال السوق ورجع السوق، واتكلمنا مع المسئولين عن الجمعية التاريخية المحترمين وحاولنا نقف معاهم مش بس مع الاهالى ولكن، نقطة ومن أول السطر، ويظهر إن الموضوع فوق قدرات رئيس الحى ومديرية الأمن".