ملكة سبأ.. شعر

بينى وبينك سبق.. ملكة سبأ إنتى
شايل إليكى النبأ قبل الكليم طيرك
لا تسجدى للشمس لا للطمس
ف عيون اللى عارف قصتك جدًا
لا ترفعى سدًا فسدًا
فساد القلب ف المأرَب
فسادَ الحنُّ فى مأرِب
و يَعرُب لم لذاته وزيته
 وجه حضر موته
وشاف الشمس بتعزّل
 وجارف سيلها تابوته
على المغرب
إلى مغرب

بينى و بينك شبق
فستانك الوردى..
كاشف مراشف جسد
 أسطورة أسطورة
لازوردى لون الموج والأرض قواريرا
لا تكشفى كعبك عشان الوهم
و لا للأحاجى الخوافى اللى بتعصى الفهم
أنا قلبى صابه السهم بالأحزان
بينى وبينك أنا جايلك وأنا طمعان
عشمان أكون لك سند بس إن خيالك عف
قادر أجيبلك هنا عرشك تقل أو خف
من قبل ما تفكرى حتى تردى الطرف
لبى النِدا
لبيه
لبى