سهير جودة تهنئ شريهان بعيد ميلادها

هنأت الإعلامية سهير جودة، الفنانة شريهان، بمناسبة عيد ميلادها، الذي يوافق يوم  6 ديسمبر من كل عام، قائلة: «هي أكثر مثل شوفناه لإنسانة بتحب التحدي وبتحب المستحيل، بتعمل المستحيل».

 

اقرأ ايضًا..

سهير جودة تنتقد العطاء المفرط.. يعلم الآخرين السرقة 

 

سهير جودة: مفيش حد اختلف على شريهان

وأضافت سهير في برنامجها  «الستات» والمذاع عبر فضائية «النهار»، قائلة: «شوفنا عندها معجزتين حصلوا في حياتها، وخرجت منهم وكل معجزة قادرة تنهي أي حد لكن واضح إنه ا محترفة في مواجهة المستحيل وبتستمتع بعبور الحواجز واحد بعد التاني».

 

وأشارت: «شريهان شيء مختلف تماما، حالة لوحدها يعني زيها زي العنقاء اللي بتخلق نفسها من الرماد وتعيد تاني بناء اسطورتها دون الحاجة لأحد، مفيش حد اختلف على شريهان فنيا، وهي بتبعد وتستسلم في صمت، هي بتعود وتبدأ من جديد وكأنها بتبني اسطورة جديدة».

 

وتابعت سهير: «دايما تلاقي عنقها مرفوع في الصور كإنه العنقاء اللي بتبتدي من أول وجديد، وهي قمر

ونموذج لبنات كتير وستات كتير بشكلها وشعرها وحركاتها». 

 

وأوضحت: «شوفناها في إعلان في رمضان السنة اللي قبل اللي فاتت، وشوفناها في مسرحية كوكو شانيل، هي كأنها جوهرة حقيقية بجد، بتعمل وجود خلاق طول الوقت، بتخلق من كل نهاية بداية جديدة، وكل نهاية هي بتكون على القمة دايما».

 

واختتمت: «شريهان مرت باربع امتحانات كبرى في حياتها لكنها قاهرة للمستحيل، أكيد مرت بدعوات وحب الناس، شاريهان عندها وجه لا يخطئه الحزن وربما يزيده سحرا، حزن غامض يمكن كلنا منفهموش ولكنه لائق عليها لإنه صادق، وخلف هذا القناع هناك حقيقة رائعة جدا».

 

 

لمزيد من الفن اضغط هنـــــــــــــــــــــــــــــــــــــــــــــــــــــــــا