"كومباوند .. سيارة مرسيدس" | كلمات أغضبت جمهور مصطفى درويش

روى الفنان مصطفى درويش، تفاصيل موقف تعرض له من أحد معجبيه؛ ما أثار غضب عدد من متابعيه، عبر صفحات مواقع التواصل الإجتماعي.

 

اقرأ ايضاً .. مصطفى درويش ينتهي من تصوير مشاهده في "بين السما والأرض"

 

وكتب "درويش" عبر حسابه على "إنستجرام": " بعد الجيم بطلب اوبر علشان عربيتي في التوكيل لقيت راجل بتونايه اللي هي ميكروباص وقف يتصور معايا علشان عياله بيحبوني راجل عسل كده.

 

 

وتابع مصطفى درويش، المهم جات اوبر وعربيه ثانيه وقفتلي مرسيدس لرجل محترم عرض يوصلني انا بقي قررت اركب مع عم محمد وجبنا تين شوكي وكلنا وروقنا.

 

 

وأضاف، والراجل بيوصلني للكمبوند اللي انا ساكن فيه وعمالين نضحك ونكركر، شكرا يا عم محمد ربنا يرزقك برزق عيالك يا راجل ي طيب

الراجل قالي هو بجد حضرتك اللي مصطفي الممثل اصل الممثليين والمشهورين مش بيتعاملو كده خلص كان مستغرب تصرفي اوي".

 

وإنقسم متابعيه مابين مدافعاً ومنتقداً، عبر حساباته على مواقع التواصل الإجتماعي المختلفة، وجاءت من بين التعليقات التي إنتقدته:" كان ممكن تعمل كدة في صمت مش لازم تقول "، وأخر " ليه محسسني ان الممثلين دول انبياء، وبعدين وانت هتتنك علي ايه علي الدور اللي عملته"، كما علق أحدهم " ماشي ياسيدى عرفنا انك ساكن ف كومباوند وعربيتك ف التوكيل ".

 

وفي نفس الوقت، تلقى "درويش" عدد

من التعليقات التي تؤيد بساطته في التعامل مع محبيه وجمهور، حيث كتب أحدهم: "البوست جميل و نحسبك علي خير و صاحب قلب طيب بس من فضلك شيل كلمه "الكمبوند بتاعي " و اكتب بيوصلني بيتي و اسفة علي التدخل بس انت حقيقي انسان بسيط بلاش تكتب حاجة تتفهم غلط "، حضرتك من الناس المحترمة وبنحبك علشان انت ابن بلد بجد ويارب من نجاح الي نجاح دايما ".

 

 

 

مسلسل بين السماء والأرض

وفي سياق أخر، شارك الفنان مصطفى درويش في الماراثون الرمضاني الماضي 2021، خلال مسلسل "بين السماء والأرض" بطولة النجم هاني سلامة.

 

ومسلسل "بين السما والأرض"، بطولة هانى سلامة، وأحمد بدير، وسوسن بدر، ومحمد ثروت، ويسرا اللوزى، ومحمود الليثى، ونجلاء بدر، وندى موسى، ونورهان، ومحمد لطفى، إخراج ماندو العدل، والمسلسل مأخوذ عن قصة الكاتب نجيب محفوظ التى تحمل نفس الاسم.