هايدى سليم تستغيث بأشرف زكي بعد استبعاد حسنى صالح لها من بنت القبائل

 هاجمت الفنانة الشابة هايدي سليم المخرج حسنى صالح، وذلك بعدما استبعدها من دور كانت اتفقت معه مسبقًا على القيام به في مسلسل "بنت القبائل"، واستمرت تذهب له قرابة الشهر من أجل التحضير للدور.

 

 استنجدت هايدى على صفحتها على موقع التواصل الاجتماعي "فيسبوك" بنقيب الممثلين دكتور أشرف زكى، وذلك بعد إسناد صالح لدورها لممثلة جزائرية.

 

 كتبت هايدى: "رسالة لكل أعضاء نقابة المهن التمثيلية أرجوكم امنعوا الظلم اللى بيحصل لفنانات  موهوبات، الدكتور أشرف زكي والفنان إيهاب فهمي.. أنا ممثلة ونقابية وخريجة إعلام، وباشتغل من 15 سنة، وفي ذيي كتير وموهوبين مظلومين، أولًا أحب أبارك للأستاذ حسنى صالح على المسلسل العظيم ده، ولكن ياريس ليا عندك نقطة عتاب بس بسيطة في مليون ممثلة في مصر خريجات معهد وموهبات بجد، وأسماء مهمة وفوق كل ده نقابيات".

 وتابعت: "خصوصًا إن دكتور أشرف زكى حريص جدًا إن أى ممثلة تشتغل في أى عمل تكون نقابية وحضرتك يا أستاذ حسنى جايب ممثلة من دولة الجزائر حضرتك اديتها دور بطولة، وهى كانت مطربة في ملاهي ليلية هناك حتى أصدقائي بالجزائر ميعرفوش من دى أصلًا، ونصف البرومو والتتر متنجمة بيه، وهى أصلا ولا مثلت بمصر ولا ليها عمل واحد بس مش في مصر بس ولا أى دولة وغير طبعًا دورها بالمسلسل".

 

وأضافت: "عمومًا إحنا كده زى القرع بنمد لبره، بنلم ناس

ننجمها ملهامش لازمة وبعدين نقول ليه بيحصلنا كده بس مش عارفة يا دكتور أشرف انت يرضيك كده ينفع الظلم اللى كلنا بنتعرض ليه ده والله لو ممثلة موهوبة ماشي مش هانطق لكن حد يقولي مين مريم حليم دى اللى واخده دور مواهب بالمسلسل مش كفاية ظلم بقي ونتقي ربنا".

 

 اختتمت حديثها قائلة: "أنا واحدة من الناس يا دكتور أشرف أستاذ حسنى صالح كلمنى وأرسلي ورق ويوميًا ليل ونهار تعالي يا هايدى نقرأ، والله يا دكتور شهر يودينى ويجيبنى، وقبل التصوير يقولي معلشي الدور عايز ممثلة قصيرة هههه، يا دكتور أشرف إحنا بنعتبرك أخ لينا، حضرتك يرضيك كده عمومًا أنا مش زعلانة وربنا يعوض بس يا ريت بلاش نعمل كده في بعض ونأذى بعض نفسيًا يا أستاذ حسنى صالح الدنيا مش مستهلة كل ده الواحد يسيب ذكرى كويسة ليه مش يسيب ظلم للآخرين وقهر".