بعد مرور عام على عرضها.. مجدي الهواري يوجه رسالة لفريق عمل 3 أيام في الساحل

وجَّه المخرج مجدي الهواري، رسالة حب وشكر لفريق عمل مسرحية "3 أيام في الساحل"، وذلك عبر حسابه الرسمي على موقع تبادل الصور والفيديوهات الشهير "إنستجرام".

وكتب "الهواري" عبر حسابه قائلًا :"مشاعر متلخبطة.. بعد الشكر والحب والذي منه.. أحب أقول كلام أول مرة أقوله، وأحب أن حضرتكم تشاركوني لحظة مهمة في حياتي، الحمدلله عز وجل وفضل ربنا علينا أننا نجحنا كتير.. بس في مشاريع تفضل علامات في حياتنا زي محطات الواحد يتسند عليها عمره كله وتفضل منورة كده وتنور اللي حواليها !! من وإلي" .

وتابع: "النهاردة عيد ميلادها السنة.. وحابب أقول كلام كتير عنها حاجات محتاجة تتكتب في كتب كانت هي وش القفص كانت هي الخبرة والبداية شافت أيام وليالي اللي هي مسرحية ٣ أيام في الساحل".

وأضاف: "أول مسرحية فتحنها من سنة واللي النهاردة بنحتفل إن مرَّ عليها سنة من عمر كايرو شو اللي بتحتفل بـ ابنها البكري النجم صاحب عمري محمد هنيدي وعصابته حبيبي بيومي فؤاد واللي أنا والفرقة قررنا يبقي وزير خارجية الفرقة ومحمد ثروت ومحمد محمود وكواليس كلها ضحك وانبساط لما يضحكونا بـعلاقتهم ببعض".

واستكمل حديثه قائلًا: "وافيهات شربات علي صموايل

وأمه ومسرحية صغيرة في الكواليس مع بعضهم وأحمد فتحي وامصاته اللي كلها طفولية ومها أبوعوف الديڤا اللي معانا وفي نفس الوقت مش معانا باأفشتها الرهيبة وندا موسي المشاغبة اللذيذة والكهربا الزيادة".

وأضاف: "وسامية الطرابلسي المجتهدة بعد سنة كلها ذكريات جميلة بـضحكنا وزعلنا وفرحنا ياااااا ناس جت وناس مشيت كتير وفضلنا إحنا مكملين بالحلم اللي صدقناه ومشينا وراه وحققنا والكواليس الممتعة واللحظات الجميلة لكل الشاغلين في المسرحية.. الجمهور والإنتاج والإخراج والموسيقي والأغاني والملابس والديكور والإضاءة والممثلين الثانويين والراقصين والإدارة المسرحية والكنترول روم كله تعب وصدق علشان يبقي في مسرحية اسمها ٣ أيام في الساحل".

واختتم حديثه قائلًا :"مشاعر متلخبطة والله كتير أوي بين الفرح والضحك علشان نجحنا.. وبين الزعل والعياط علشان هيوحشوني لأنها فعلاً كواليس من العمر".